والنٹئیرز ان پولیس پروگرام کے وفد کا پنجاب سیف سٹیز اتھارٹی کا مطالعاتی دورہ

لاہور پاکستان(نمائندہ وائس آف جرمنی):‌ والنٹئیرز ان پولیس پروگرام کے وفد نے پنجاب سیف سٹیز اتھارٹی کا مطالعاتی دورہ کیا۔تفصیلات کے مطابق وفد میں 138 مختلف یونیورسٹیوں کے طلباء اور طالبات شریک تھے۔شفٹ کمانڈر ڈی ایس پی نے وفد کو”ورچوئل ویمن پولیس اسٹیشن”کی ورکنگ بارے بریفنگ دی۔طلباو طالبات کو 15 ایمرجنسی کال سنٹر،15پینک بٹن، ویمن سیفٹی ایپ لائیو چیٹ فیچر بارے بتایا گیا۔وفد کے شرکاء کو بریفنگ دیتے ہوئے بتایا گیا کہ خواتین کی ہراسگی سمیت تمام درپیش مسائل کو ترجیحی بنیادوں پر حل کیا جارہا ہے۔سیف سٹی میں جدید ٹیکنالوجی کو بروئے کا ر لاتے ہوئے خواتین کے تحفظ کو یقینی بنا رہے ہیں۔، وفد شرکاءکا کہنا تھاکہ سیف سٹی کی جانب سے خواتین کے تحفظ کیلئے اقدامات قابل تعریف ہیں۔خواتین کی بڑی تعداد میں ورچوئل ویمن پولیس سٹیشن سے مدد حاصل کرنا خوش آئند ہے۔