راوالپنڈی پاکستان(نمائندہ وائس آف جرمنی): پاکستان-امریکہ (یو ایس) انفنٹری رائفل کمپنی ایکسچینج ایکسرسائز-2024 انسداد دہشت گردی کے شعبے میں ایک دو طرفہ مشترکہ مشق ہے جس میں ذیلی یونٹ کی سطح پر دہشت گردی کے خطرے سے نمٹنے کے لیے حکمت عملی کی مہارتوں کا تبادلہ کیا جائے گا۔
دو ہفتے طویل مشق کا آغاز 29 جون 2024 کو نیشنل کاؤنٹر ٹیررازم سنٹر، پبی میں دونوں اطراف کی انفنٹری کمپنیوں کی شرکت کے ساتھ ہوا۔
مشق کا مقصد انسداد دہشت گردی کے تجربات کا اشتراک کرنے کے علاوہ انسداد دہشت گردی کی کارروائیوں کے لیے ضروری مشقوں کے طریقہ کار کو بہتر بنانا ہے۔
مشق کا دائرہ شہری جنگ کے دوران سب یونٹ کی سطح پر اپنائے جانے والے بہترین طریقوں کو سمجھ کر نشانہ بازی کی مہارت حاصل کرنے کا تصور کرتا ہے۔
افتتاحی تقریب کا مشاہدہ جنرل آفیسر کمانڈنگ کھاریاں گیریژن نے کیا۔
