لاہور کی مختلف یونیورسٹیوں کے طلباء و طالبات کا انویسٹی گیشن ہیڈ کوارٹرز کا مطالعاتی دورہ

لاہور پاکستان(نمائندہ وائس آف جرمنی): لاہور کی مختلف یونیورسٹیوں کے طلباء و طالبات نے انویسٹی گیشن ہیڈ کوارٹرز کا مطالعاتی دورہ کیا.قائم مقام ڈی آئی جی انویسٹی گیشن کامران عادل، ایس ایس پی انویسٹی گیشن ڈاکٹر انوش مسعود چوہدری اور ایس پی سی آر او ڈاکٹر عقیلہ نیاز نقوی نے طلباء کو بریفننگ دی.طلباء میں پنجاب یونیورسٹی،نمل یونیورسٹی، UCP اور Umt سمیت دیگر یونیورسٹیوں کے طلباء نے شمولیت کی .طلباء و طالبات کے پانچویں بیج نے انویسٹی گیشن ہیڈکوارٹرز کی مختلف برانچز کا وزٹ کیا.
آئی جی پنجاب کی طرف سے Volunteers in Police کے نام سے طلباء کے لئے انٹرن شپ شروع کی گئی ہ تھی جسمیں طلباء اس سے قبل پولیس لائنز، قربان لائن، خدمت مراکز اور سپیشل برانچ کا وزٹ بھی کر چکے ہیں،پولیس کے تمام شعبے وزٹ کرنے کے بعد طلباء اپنی مرضی کے مطابق کسی ایک شعبے کا انتخاب کریں گے.وزٹ کے بعد انہیں انتخاب کیے گئے شعبہ میں ایک ہفتے کا سپیشلائزڈ کورس کروایا جائے گا،کورس کے اختتام پر آئی جی پنجاب ڈاکٹر عثمان انور طلباء و طالبات میں سرٹیفکیٹ تقسیم کریں گے۔
،قائم مقام ڈی آئی جی انویسٹی گیشن کامران عادل نے کہا ایسے پروگرامز سے نئی نسل کو پولیس ورک اور انویسٹی گیشن ٹولز کو سمجھنے میں مدد ملے گی. ایس ایس پی انویسٹی گیشن ڈاکٹر انوش مسعود نے کہا یہ پروگرام طالب علموں کو آگاہی کے ساتھ ساتھ کرائم کی روک تھام میں بھی مدد گار ثابت ہو گا. ایس پی سی آر او ڈاکٹر عقیلہ نیاز نقوی کا کہنا تھا کہ طلباء کی جدید ٹولز سے آگاہی وقت کی اہم ضرورت ہے.
انویسٹی گیشن ہیڈکوارٹرز میں بہترین تعاون اور ریفریشمنٹ پر طلباء نے پولیس افسران کا شکریہ ادا کیا.