سی سی پی او آفس میں قائم کمپلینٹ سیل شہریوں کو ریلیف کی فراہمی میں کلیدی اہمیت کا حامل ہے۔بلال صدیق کمیانہ

لاہور(نمائندہ وائس آف جرمنی):لاہور پولیس کے زیرِانتظام کمپلینٹ سیل میں رواں سال6084درخواستیں موصول ہوئیں 5349 درخواستیں نمٹا دی گئیں جبکہ 733 پرکارروائی کی جارہی ہے.
یہ بات ترجمان لاہور پولیس نے آج یہاں جاری اپنے بیان میں کہی۔ترجمان نے بتایا کہ سی سی پی او آفس آنے والے 3733درخواست گزاروں کی3239درخواستیں نمٹائی جا چکیں جبکہ 494پر کارروائی کی جا رہی ہے۔ بذریعہ ڈاک موصول ہونے والی2270درخواستوں میں سے2050پر کارروائی عمل میں لائی جا چکی ہے،218پر کام جاری ہے۔وزیر اعلیٰ پورٹل پر80درخواستیں موصول ہوئیں جن میں سے59 درخواستیں نمٹا دی گئیں جبکہ 21درخواستوں پر کارروائی عمل میں لائی جا رہی ہے۔
سربراہ لاہور پولیس بلال صدیق کمیانہ نے کہا کہ سی سی پی او آفس میں قائم کمپلینٹ سیل شہریوں کو ریلیف کی فراہمی میں کلیدی اہمیت کا حامل ہے۔انہوں نے کہا کہ کمپلینٹ مینجمنٹ سسٹم کے ذریعے عام آدمی کے مسائل کوبروقت نمٹایا جا رہا ہے۔سی سی پی او لاہور نے کہا کہ مظلوم کی دادرسی اور انصاف کی بروقت فراہمی لاہور پولیس کی اہم ذمہ داری ہے۔انہوں نے کہا کہ پولیس افسران شہریوں سے حسن سلوک کو اپنا شعار بنائیں اور عوام کو خدمات کی فراہمی میں اپنا مثبت کردار ادا کریں۔انہوں نے مزید کہا کہ سی سی پی او آفس میں قائم کمپلینٹ سیل شہریوں کے مسائل کے حل کیلئے مسلسل مصروف ِ عمل ہے۔