پاکستان:ملک بھر میں سیکیورٹی فورسز کا انسداد منشیات آپریشن

پاکستان اسلام آباد(کنٹری ہیڈ پاکستان سید عاطف ندیم): ملک بھر میں سیکیورٹی فورسز کا انسداد منشیات آپریشن جاری ہے۔پاکستان کو نشے کی لعنت سے نجات دلوانے کیلئے حکومت پاکستان اور عسکری قیادت نے منشیات فروشوں کیخلاف سخت کاروائی کا آغاز کیا ہے۔ستمبر 2023 سے جاری اب تک آپریشنز کے دوران متعلقہ اداروں نے ملک بھر سے 1 ہزار 47 میٹرک ٹن منشیات ضبط کیں اور 1 ہزار 725 منشیات فروشوں کو گرفتار کیا ہے۔ستمبر سے اب تک ملک بھر سے 3.55 میٹرک ٹن ہیروئن جبکہ 46.53 میٹرک ٹن ہشیش برآمد کی جاچکی ہے۔اسکے علاوہ سیکیورٹی فورسز نے 3.71 میٹرک ٹن میتھ، 8.95 میٹرک ٹن افیون اور 984.73 میٹرک ٹن دیگر منشیات ضبط کیں۔سیکیوٹی فورسز نے اگست میں خیبر پختونخواہ سے 162 کلو،شمالی علاقہ جات سے 54.52 کلو، پنجاب سے 93.39 کلو جبکہ سندھ سے 2.9 کلو منشیات بھی ضبط کیں ہیں ۔ملک کو منشیات سے مکمل پاک کرنے کیلئے متعلقہ ادارے اپنی کاروائیاں جاری رکھنے کیلئے پرعزم ہیں۔۔