کوڑا کرکٹ اٹھانے والی گاڑیوں کو اوپر سے مکمل طور پر کور کروایا جائے. ڈی سی لاہور سید موسیٰ رضا

لاہور پاکستان(نمائندہ وائس آف جرمنی):‌شہر میں صفائی آپریشن جاری ،ڈی سی لاہور سید موسیٰ رضا کا رنگ روڈ ایریا پر ڈمپنگ سائٹس کا دورہ۔ تفصیلات کے مطابق ڈی سی لاہور سید موسیٰ رضا نے ڈمپنگ سائٹس کا جائزہ لیا۔ اسسٹنٹ کمشنر کینٹ نبیل میمن اور ایل ڈبلیو ایم سی حکام بھی موجود تھے۔ ڈی سی لاہور سید موسیٰ رضا نے ڈمپنگ سائٹس پر موجود کوڑا کرکٹ کو فوری اٹھوانے کی ہدایت کی۔ ڈی سی لاہور سید موسیٰ رضا کی ایل ڈبلیو ایم سی حکام کو کوڑا اٹھانے والی خراب گاڑیوں کو ریپئیر کروا کر فعال کرنے کی بھی ہدایت دی۔
کوڑا کرکٹ اٹھانے والی گاڑیوں کو اوپر سے مکمل طور پر کور کروایا جائے۔ شہر بھر میں جامع صفائی کے لیے کوڑا کرکٹ کو فوری اٹھوانا ضروری ہے۔ ایل ڈبلیو ایم سی حکام صفائی آپریشن مانیٹرنگ پر فوکس کریں.شہر بھر میں صفائی ستھرائی کے انتظامات کو بہتر بنانے کے لئے اقدامات اٹھائے جا رہے ہیں. شہر میں صفائی ستھرائی کے حوالے سے دورے جاری رہیں گے۔