کمشنر لاہور اور نگران صوبائی وزیر پنجاب سید اظفر علی ناصر کی تبلیغی مرکز لاہور آمد

لاہور پاکستان(نمائندہ وائس آف جرمنی):‌کمشنر لاہور چوہدری محمد علی رندھاوا اور نگران صوبائی وزیر پنجاب سید اظفر علی ناصر کی تبلیغی مرکز لاہور آمد ہوئی۔
انہوں نے منتظمین تبلیغی مرکز کے ہمراہ اجلاس کی صدارت کی۔ تبلیغی اجتماع انتظامات کا جائزہ لیا۔ کمشنر لاہور چوہدری محمد علی رندھاوا کے ہمراہ تمام محکموں کے افسران بھی دورے کے موقع پر موجود تھے۔
شرکاء کو بریفنگ میں بتایا گیا کہ تبلیغی جوڑ و اجتماع 28 فروری تا 5 مارچ 2023 تک جاری رہے گا۔ ۔آج سے تبلیغی اجتماع گاہ کے گرد پٹرولنگ پولیس گشت کریگی۔
کمشنر لاہور نے کہا اے سی رائیونڈ فوکل پرسن ہونگے۔ تمام محکمے رابطہ کار کے ذریعے انتظامات کو مکمل کریں۔ ٹریفک بہاو کیلئے ٹریفک پولیس بہترین انتظامات کرے۔ ٹریفک جام نہ ہو۔ ایل ڈبلیو ایم سی کے 150 ورکرز اور پی ایچ اے کے 1 سو مالی موجود رہیں گے۔ اڈہ پلاٹ تا مرکز سڑک کے دونوں اطراف میں پانی کا چھڑکاو مسلسل جاری رہے۔ ڈیڑھ سو سے زائد اضافی سی سی ٹی وی کیمرے ضلعی انتظامیہ نصب کرے گی۔ ۔2550 پولیس اور 1 ہزار ٹریفک پولیس کے افسران و وارڈنز تعینات ہونگے۔
کمشنر لاہور نے کہا تبلیغی اجتماع کیلئے 2700 بسز، 5800 کاروں اور 10ہزار بائیکس کی پارکنگ سائٹ قائم ہو گی۔ تمام میونسپل اور سکیورٹی محکمے تبلیغی اجتماع انتظامیہ کے ساتھ براہ راست رابطہ میں ہیں۔ مرکز میں 10 بستروں کا ہسپتال۔6 میڈیکل کیمپس اور 16 میڈیکل موٹرسائیکل سکواڈ بھی کام کریگا۔
نگران صوبائی وزیر اوقاف، مزہبی امور و زکواۃ و عشر پنجاب اور کمشنر لاہور چوہدری محمد علی کی زیر صدارت تبلیغی مرکز میں اجلاس بھی ہوا۔ ضلعی انتظامیہ، سکیورٹی اور میونسپل محکموں کے تمام افسران کی اجلاس میں شرکت ہوئی۔