پنجاب پولیس کچہ کریمنلز کے خلاف ان ایکشن،پنجاب پولیس راجن پور کی کچہ ایریا کے ڈاکوؤں کے خلاف کاروائی

راجن پور (نمائندہ جنوبی پنجاب): انسپکٹر جنرل پولیس پنجاب ڈاکٹر عثمان انور کی ہدایت پر پنجاب پولیس کچہ کریمنلز کے خلاف ان ایکشن ہے، پنجاب پولیس راجن پور کی کچہ ایریا کے ڈاکوؤں کے خلاف کاروائیاں جاری ہیں جس کے تسلسل میں کچہ ایریا بنگلہ اچھا سرکل میں راجن پور پولیس اور ڈاکوؤں کے درمیان شدید فائرنگ کا تبادلہ ہوا، دو طرفہ فائرنگ کے دوران کچہ ایریا کا بدنام زمانہ ڈاکو اختر عرف موٹی ہلاک ہوگیا۔ ترجمان پنجاب پولیس نے بتایا کہ ہلاک ڈکیت اختر عرف موٹی قتل، اقدام قتل، اغوا برائے تاوان اور ڈکیتی سمیت متعدد مقدمات میں مطلوب تھا، آئی جی پنجاب ڈاکٹر عثمان انور کی خطرناک ڈاکو کو کیفر کردار تک پہنچانے پر راجن پور پولیس کو شاباش دیتے ہوئے کہاکہ کچہ کریمنلز کے خلاف ٹارگٹڈ کاروائیوں میں مزید تیزی لائی جائے۔