صوبائی وزیر برائے اقلیتی امور رمیش سنگھ اروڑہ کی "16 دن کی سرگرمیاں 2024” اور "بچوں کی ابتدائی شادی” سیمینار میں شرکت

لاہورر: صوبائی وزیر اقلیتی امور رمیش سنگھ اروڑہ نے ہوم اکنامکس یونیورسٹی (HEU) میں ایک اہم سیمینار میں شرکت کی۔ سیمینار کا موضوع "16 دن کی سرگرمیاں 2024 اور بچوں کی ابتدائی شادی” تھا، جس کا مقصد دو اہم مسائل، یعنی صنفی بنیاد پر تشدد اور بچوں کی ابتدائی شادیوں پر روشنی ڈالنا تھا۔
اس موقع پر خطاب کرتے ہوئے صوبائی وزیر نے خواتین اور لڑکیوں کو بااختیار بنانے کی اہمیت پر زور دیا اور کہا کہ تعلیم اور آگاہی کی مہمات ابتدائی شادیوں اور تشدد کے دائرے کو توڑنے میں ضروری ہیں۔ انہوں نے کہا، "جیسے ہم 16 دن کی سرگرمیاں منا رہے ہیں، ہمیں بچوں کی شادیوں، صنفی عدم مساوات اور ہر قسم کے تشدد کے خلاف اپنی آواز بلند کرنی چاہیے۔ ہم سب مل کر اپنی لڑکیوں کے لیے روشن مستقبل کو یقینی بنا سکتے ہیں اور ایک زیادہ جامع اور مساوات پر مبنی معاشرہ تشکیل دے سکتے ہیں۔”
سیمینار میں شامل ماہرین نے بچوں کی ابتدائی شادیوں کے عالمی اور مقامی اثرات پر روشنی ڈالی۔ اس بات پر بھی زور دیا گیا کہ حکومت، غیر حکومتی تنظیموں اور کمیونٹی کے تمام حصوں کو مل کر اقلیتی حقوق کا تحفظ اور بچوں کی شادیوں کی روک تھام کے لیے مشترکہ کوششیں کرنی ہونگی۔
صوبائی وزیر نے اپنے خطاب کے دوران کہا کہ پنجاب حکومت کی جانب سے خواتین کو با اختیار بنانے کے لیے متعدد اقدامات کئیے جا رہے ہیں۔ انہوں نے اپنے خطاب کے اختتام پر تمام فریقین کو بچوں کی ابتدائی شادیوں کے خاتمے اور صنفی مساوات کے فروغ کے لیے ایک ساتھ کام کرنے کی دعوت بھی دی۔ سیمینار کے اختتام پر صوبائی وزیر کو ایک یادگاری شیلڈ پیش کی گئی ۔