ملکی تاریخ میں پہلی بار عوام کیلئے الیکٹرک موٹر بائیک اور رکشے،وزیراعلی محسن نقوی نے تاریخ ساز اقدام کا اعلان کر دیا

لاہور پاکستان(نمائندہ وائس آف جرمنی): وزیر اعلیٰ پنجاب محسن نقوی نے تاریخ ساز اقدام، پاکستان کی تاریخ میں پہلی بارعوام کو بلا سود الیکٹرک موٹر بائیکس اور رکشے دیئے جائیں گے۔وزیر اعلیٰ محسن نقوی نے مقامی ہوٹل میں ایک تقریب میں بلا سود الیکٹرک بائیکس اور رکشے دینے کے پروگرام کا اعلان کر دیا۔وزیر اعلیٰ محسن نقوی نے پنجاب بھر میں چنگ چی رکشے کی رجسٹریشن پروگرام کا افتتاح کر دیا۔ پنجاب میں الیکٹرک رکشہ سازی کا باقاعدہ آغازکر دیا۔ وزیر اعلیٰ محسن نقوی نے ساز گار کمپنی کے سی ای او کو پہلا لائسنس دیا۔وزیراعلی محسن نقوی نے بتایا کہ طلباو طالبات کو10ہزار الیکٹرک بائیکس بلاسود آسان شرائط پر دی جائیں گی۔ 10ہزار الیکٹرک رکشے بھی بلا سود پنجاب بینک کے تعاون سے دیئے جائیں گے۔ سپیشل افراد کو بلا سود 2ہزار الیکٹرک تھری ویلر بائیکس دی جائیں گی۔ سرکاری ملازمین کو 2ہزار الیکٹراک بائیکس بلا سود دی جائیں گی۔ سرکاری و نجی ملازمت پیشہ خواتین کو 2ہزار الیکٹرک بائیکس دی جائیں گی۔ وزیراعلی نے مزید کہا کہ پنجاب بھر میں سرکاری سطح پر فیول موٹر سائیکل خریدنے پر پابندی لگا دی ہے۔ سرکاری محکمے آئندہ صرف الیکٹرک بائیک ہی خرید سکیں گے۔ وزیر اعلیٰ محسن نقوی نے چنگ چی رکشہ باڈی سٹینڈر زپروگرام کے نفاذکا بھی باقاعدہ اعلان کر دیا۔وزیر اعلیٰ نے الیکٹرک موٹر بائیکس رکشہ اور گاڑیوں کی نمائش دیکھی۔وزیر اعلیٰ محسن نقوی نے الیکٹرک رکشہ میں سواری کی اور الیکٹرک رکشہ کے معیار کی تعریف کی۔وزیر اعلیٰ محسن نقوی نے الیکٹرک بائیکس اور گاڑیوں کا معائنہ کیا اور قیمت اور پائیداری کے بارے میں دریافت کیا۔
وزیراعلی محسن نقوی نے تقریب کے شرکاء سے خطاب کرتے ہوئے کہا کہ محکمہ ٹرانسپورٹ نے چنگ چی رکشوں کی رجسٹریشن پراسیس کو عملی جامہ پہنانے کے لیے بہت محنت کی -سب کہتے تھے،چنگ چی رکشوں کی رجسٹریشن کرنا ممکن نہیں لیکن محکمہ ٹرانسپورٹ نے یہ کر دکھایا – محکمہ ٹرانسپورٹ کے تمام انیشیٹوز مثالی ہیں -وزیراعلی نے کہا کہ لاہور دنیا کا آلودہ ترین شہر ہے ہمیں سبق حاصل کرنا چاہیے اورآلودگی کے خاتمے کے لئے اپنا کردار ادا کرنا چاہیے -انہوں نے کہا کہ بلا سود الیکٹرک بائیکس پراجیکٹ کے لیے پنجاب بینک حکومت پنجاب کی معاونت اور لیڈنگ رول ادا کر رہا ہے – طلبہ کے لئے بلا سود الیکٹرک بائیکس دینا ایک مثالی قدم ہے – وزیراعلی محسن نقوی نے کہا کہ چین میں فیول والی بائیکس نہیں چلتی بلکہ الیکٹرک بائیکس متعارف کرائی گئی ہیں – آئندہ تین سال میں اگر الیکٹرک بائیکس مکمل طور پر متعارف کرا دی جائیں تو ماحول پر بہت مثبت اثرات پڑیں گے – الیکٹرک بائیکس کو متعارف کرانا ماحول کو بہتر رکھنے کے لیے بہت ضروری ہے – الیکٹرک بائیکس کو عام کرنے کے لیے مضبوط ارادے اور کاوشوں کی ضرورت ہے – انہوں نے کہا کہ فیول والی گاڑیوں کو الیکٹرک گاڑیوں میں کنورٹ کرنے کے لیے محنت کرنی پڑے گی – آئندہ نسل کا مستقبل محفوظ کرنے کے لیے اور زندگی کے 10 سال بچانے کے لیے فیول والی گاڑیاں ترک کرنی پڑیں گی- وزیراعلی نے کہا کہ الیکٹرک رکشے کامعیار بہت اعلیٰ ہے، آلودگی ختم کرنے کے لیے الیکٹرک رکشے بھی متعارف کرا رہے ہیں -10 ہزار بلا سود الیکٹرک رکشے طلبہ کو فراہم کریں گے – خصوصی افراد کے لیے 2ہزار تھری ویلرز بائیکس دی جائیں گی – وزیراعلی نے کہا کہ سول سیکرٹیریٹ کے ملازمین کو دو ہزار الیکٹرک بائیکس بلا سود فراہم کی جائیں گی – الیکٹرک گاڑیوں اور بائیکس متعارف کرانے سے ماحول بہتر ہوگا اور انڈسٹری کو بوسٹ ملے گا – وزیراعلی نے کہا کہ میری دعا ہے کہ پاکستان میں گاڑیاں بھی الیکٹرک ہو جائیں – آئندہ کوئی بھی ادارہ الیکٹرک با ئیک کے علاوہ کوئی بائیک نہیں خریدسکے گا – ایکسل لوڈ پر عمل درامد کروانا ایک مشکل کام تھا جسے محکمہ ٹرانسپورٹ نے بڑی محنت سے سرانجام دیا -لوگ احتجاج کر رہے ہیں لیکن وہ نہیں جانتے کیا کہ روڈ کے اوپر زیادہ وزن لانے کی وجہ سے کتنا نقصان ہوتا ہے -وزیراعلی نے کہا کہ حکومت کروڑوں لگا کر روڈز بناتی ہے اور لوگ ایکسٹرا وزن ڈال کر اسے خراب کر دیتے ہیں – ایکسل لوڈ مینجمنٹ امپلیمنٹیشن پر کسی قسم کی نرمی نہیں برتی جائے گی – وزیراعلی نے کہا کہ بڑی محنت کے ساتھ ڈرائیونگ لائسنس پر عمل درآمد کروا رہے ہیں – لاہور میں صرف 10 فیصد لوگوں کے پاس ڈرائیونگ لائسنس تھا،70 لاکھ گاڑیاں اور 7 لاکھ ڈرائیونگ لائسنس تھے – رات دو بجے خدمت مرکز کا دورہ کیا تو دو تین سو لوگ تب بھی لائسنس بنوا رہے تھے – 15 جنوری تک پرانی فیس پر ڈرائیونگ لائسنس بنوایا جا سکتا ہے – لائسنس کے حوالے سے کسی قسم کی کوئی معافی نہیں ملے گی – چین کے قونصل جنرل ژاؤ شیریں، امریکہ کی قونصل جنرل کرسٹن کے ہاکنز(Ms. Kirstin K. Hawkins)،صوبائی وزراء، ایس ایم تنویر، عامرمیر، ابراہیم حسن مراد، بلال افضل، چیف سیکرٹری زاہد اختر زمان،بینک آف پنجاب کے سربراہ ظفر مسعود، سیکرٹری ٹرانسپورٹ، سی سی پی او، کمشنر لاہور اور مختلف کمپنیوں کے اعلیٰ حکام بھی اس موقع پر موجود تھے.