کویت : ملٹی نیشنل کمپنیوں پر 15 فیصد ٹیکس عائد

کویتی وزرا کونسل نے ملٹی نیشنل کمپنیوں پر یکم جنوری 2025 سے 15 فیصد ٹیکس لاگو کرنے کی منظوری دے دی۔ کویتی نائب وزیر اعظم اور وزیر مملکت برائے کویتی کابینہ امور شریدہ عبداللہ المعوشرجی نے کہا ہے کہ وزراء کونسل نے ٹیکس نظام میں تبدیلی کی منظوری دے دی جس کے تحت ملٹی نیشنل کمپنیاں جو ایک سے زائد ممالک میں تجارتی سرگرمیوں سے منسلک ہیں ان پر ٹیکس نظام کا اطلاق کیا جارہا ہے۔انہوں نے مزید کہا کہ مذکورہ ضوابط کی منظوری عالمی ٹیکس قوانین کو مدنظر رکھتے ہوئے دی گئی ہے جس کا مقصد ٹیکس کی ادائیگی سے بچنا اور ٹیکس ریونیو کو دوسرے ممالک میں بھیجنے سے روکنا ہے۔
واضح رہے رواں برس 2024 کے آغاز میں بڑی ملٹی نیشنل کمپنیوں پر ٹیکس نظام کا اطلاق کیا گیا تھا جوکہ دیگر ممالک کے مقابلے میں کم ترین سطح پر تھا۔