چوہدری شافع حسین کا گورنمنٹ کالج آف ٹیکنالوجی وحدت روڑ کادورہ ،مختلف شعبوں اور لیبز کا معائنہ کیا اور تدریسی عمل کا جائزہ لیا

صوبائی وزیر صنعت و تجارت چوہدری شافع حسین نے گورنمنٹ کالج آف ٹیکنالوجی وحدت روڑ کادورہ کیا، کالج کے مختلف شعبوں اور لیبز کا معائنہ کیا، صوبائی وزیر نے ڈیجٹل پرنٹنگ لیب میں پرنٹنگ کے عمل کا مشاہدہ کیا جبکہ انفارمیشن ٹیکنالوجی لیب میں طلبہ سے تربیتی کورس بارے دریافت کیا، پرنسپل کالج سلمان طارق نے تدریسی عمل، کالج کی اچیومنٹس اور آئندہ کے منصوبوں بارے بریفنگ دی. چئیرمین ٹیوٹا بریگیڈیئر ریٹائرڈ محمد ساجد کھوکھر ،سینئر ڈی جی اختر عباس بھروانہ اور دیگر متعلقہ افسران بھی بریفنگ اجلاس میں موجود تھے صوبائی وزیر صنعت و تجارت چوہدری شافع حسین نے اجلاس سے خطاب کرتے ہوئے کہا کہ عالمی مارکیٹ کی ڈیمانڈ کے مطابق ہنرمند افرادی قوت کی تیاری پر فوکس ہے، ٹیکنیکل ایجوکیشن کے معیارکی بہتری اور اداروں کی لیبز کی آپ گریڈیشن کا آغاز کردیا گیا ہے صوبائی وزیر نے ہدایت کی کہ ٹیوٹا کے جن اداروں میں انٹرولمنٹ بڑھانے کی گنجائش ہے، بڑھائی جائے اور کالج میں ایشیائی ترقیاتی بینک کے تعاون سے بننے والے سیںنٹر آف ایکسیلنس سکیم کا مکمل فالو آپ کیا جائے، سکیم کی بروقت تکمیل ضروری ہے، صوبائی وزیر نے کہا کہ کالج کی عمارت پرانی ہے اس لئے مستند ادارے کے انجنیئرز سے 2ھفتے کے اندر سروے کرایا جائے، صوبائی وزیر نے انڈسٹری – اکیڈمیا روابط بڑھانے کے لئے موثر اقدامات کی بھی ہدایت کی. صوبائی وزیر چوہدری شافع حسین نے کالج میں پودا بھی لگایا.