تاریخ کا مختصر ترین ٹیسٹ میچ، انڈیا کی جنوبی افریقہ کے خلاف 7 وکٹوں سے کامیابی
بدھ سے کیپ ٹاؤن میں کھیلا گیا ٹیسٹ میچ دوسرے دن ہی ختم ہوگیا جس کے بعد دونوں ٹیموں کے درمیان سیریز 1-1 سے برابر ہوگئی ہے۔
جنوبی افریقہ اور انڈیا کے درمیان دو ٹیسٹ میچوں پر مشتمل سیریز کے دوسرے میچ میں انڈیا نے جنوبی افریقہ کو 7 وکٹوں سے شکست دے دی۔
بدھ سے کیپ ٹاؤن میں کھیلا گیا ٹیسٹ میچ دوسرے دن ہی ختم ہوگیا جس کے بعد دونوں ٹیموں کے درمیان سیریز 1-1 سے برابر ہوگئی ہے۔
بارش کے باعث دوسرے روز کا ٹیسٹ میچ متاثر، آسٹریلیا کے دو وکٹوں کے نقصان پر 116 رنز
ٹیسٹ میچ کے دوسرے دن جنوبی افریقہ کی جانب سے دیے گئے 79 رنز کے ہدف کو انڈیا نے تین وکٹوں کے نقصان پر پورا کر لیا۔
دوسری اننگز میں انڈیا کی جانب سے یاشسوری جیسوال نے 28، کپتان روہت شرما نے 16 اور وراٹ کوہلی نے 12 رنز بنائے۔
دوسری اننگز میں بولنگ کرتے ہوئے کاگیسو رباڈا، ناندرے برگر اور مارکو یانسین نے ایک ایک وکٹ حاصل کی۔
اس سے قبل جنوبی افریقہ کی پوری ٹیم اپنی دوسری اننگز میں 176 رنز بنا کر آؤٹ ہوگئی تھی۔
جنوبی افریقہ کی جانب سے دوسری اننگز میں ایڈن مارکرم 106 رنز بنا کر نمایاں رہے جبکہ کپتان ڈین ایلگر نے 12 اور ڈیوڈ بیڈنگھم نے 11 رنز بنائے۔
انڈیا کی طرف سے دوسری اننگز میں بولنگ کرتے ہوئے جسپریت بمراہ نے 6، مکیش کمار نے 2 جبکہ محمد سراج نے ایک وکٹ حاصل کی۔
خیال رہے اس میچ میں ٹاس جیت کر جنوبی افریقہ نے پہلے بیٹنگ کا فیصلہ کیا تھا جس کے بعد محمد سراج کی تباہ کن بولنگ کے باعث پوری میزبان ٹیم پہلے دن کھانے کے وقفے تک صرف 55 رنز پر ہی ڈھیر ہوگئی تھی۔
محمد سراج نے پہلی اننگز میں کیریئر کی عمدہ بولنگ کرتے ہوئے 9 اوورز میں 15 رنز کے عوض 6 وکٹیں حاصل کی تھیں۔
پہلی اننگز کے جواب میں انڈیا کی پوری ٹیم بھی 153 رنز پر ڈھیر ہوگئی تھی تاہم مہمان ٹیم کو پروٹیز پر 98 رنز کی برتری حاصل ہوئی تھی۔
میچ میں عمدہ بولنگ کرنے پر محمد سراج کو پلیئر آف دی میچ سے نوازا گیا ہے جبکہ جسپریت بمراہ سیریز میں 12 وکٹیں حاصل کرنے اور ڈین ایلگر سیریز میں 201 رنز بنانے پر مشترکہ طور پر بعد پلیئر آف دی سیریز قرار پائے ہیں۔
دوسری جانب یہ میچ جنوبی افریقی بیٹر ڈین ایلگر کے کیریئر کا بھی آخری میچ تھا جس میں وہ بڑا سکور کرنے میں ناکام رہے تاہم سیریز کے پہلے میچ انہوں نے 185 رنز کی میچ وننگ اننگز کھیلی تھی۔
یہ کرکٹ کی تاریخ کا سب سے کم دورانیے کا ٹیسٹ میچ ثابت ہوا ہے جس میں دونوں ٹیموں کے درمیان 107 اوورز یعنی 642 گیندوں کا ہی کھیل ممکن ہو سکا ہے۔
یاد رہے سینچورین میں کھیلے گئے سیریز کے پہلے میچ میں جنوبی افریقہ نے انڈیا کو ایک اننگز اور 32 رنز سے ہرا دیا تھا۔
