پاکستان پنجاب پولیس:‌لاہور پولیس کے انسپکٹرجاوید حسنین کو پریزیڈنٹ پولیس میڈل(تمغہ شجاعت) حاصل

(سید عاطف ندیم-پاکستان): لاہور پولیس کے انسپکٹرجاوید حسنین کو نومبر 2023 میں 15کال پرکارروائی کرتے ہوئے ڈاکوئوں کو جہنم واصل کرنے پریزیڈنٹ پولیس میڈل(تمغہ شجاعت) دیاگیا۔ سی سی پی او بلال صدیق کمیانہ نے انسپکٹر حسنین جاوید کوپریزیڈنٹ پولیس میڈل(تمغہ شجاعت) لگایا۔ وفاقی حکومت نے انسپکٹر جاوید حسنین کوپریزیڈنٹ پولیس میڈل(تمغہ شجاعت) دینے کی منظوری دی۔
ترجمان پولیس کیمطابق سی سی پی او لاہور نے انسپکٹر حسنین جاوید کو ان کی بے مثال جرات و بہادری پرپریزیڈنٹ پولیس میڈل(تمغہ شجاعت) کے لئے نامزد کیا تھا۔ انسپکٹر جاوید حسنین اور پولیس ٹیم نے نومبر 2023 میں 15کال پرکارروائی کرتے ہوئے ڈاکوئوں کو جہنم واصل کیا تھا۔ 6ڈاکوئوں نے اقبال ٹائون کے کالج بلاک میں شہری کے اہلِ خانہ کو یرغمال بنارکھا تھا۔
انسپکٹر جاویدحسنین اور پولیس ٹیم نے بروقت کارروائی کرتے ہوئے تمام ڈاکوئوں کو منطقی انجام تک پہنچایا۔لاہور پولیس کی پیشہ ورانہ مہارت اور فوری کارروائی کی بدولت تمام مغویوں کی باحفاظت بازیابی ممکن ہوئی۔ ڈاکو ں میں محسن عرف گوگی،وسیم ولد شریف،عمران ولد اللہ دتہ، نعمان ولد عبدالمجید، علی رضا ولد رحمت اور علی رضا ولد منشا شامل تھے۔
سابقہ ریکارڈ یافتہ ڈاکووں کا تعلق میاں چنوں سے تھااور وہ25سے زائد مقدمات میں مطلوب تھے۔سی سی پی او لاہورنے جان پر کھیل کرڈاکووں کو کیفر کردار تک پہنچانے پر انسپکٹر حسنین جاوید اور پولیس ٹیم کو شاباش دیتے ہوئے کہا کہ انسپکٹر جاوید حسنین نے فرض کی انجام دہی کے دوران بے مثال جرات و بہادری کا مظاہرہ کیا۔انہوں نے کہا کہ قانون شکن عناصر کے سامنے سینہ سپرپولیس جوان فورس کے لئے مشعل ِ راہ ہیں۔
شاندار کارکردگی کے حامل افسران و اہلکاروں کی حوصلہ افزائی محکمہ پولیس کی اہم ترجیح ہے۔انہوں نے کہا کہ پولیس کے بہادر جوانوں کی حوصلہ افزائی اورویلفیئر کیلئے ہر ممکن اقدامات جاری رکھیں گے۔ انہوں نے مزید کہا کہ لاہور پولیس آرگنائزڈ کرائم کے خاتمے کیلئے پرعزم ہے۔ انسپکٹرجاوید حسنین نے پریزیڈنٹ پولیس میڈل(تمغہ شجاعت) پر سی سی پی او لاہورکا شکریہ ادا کرتے ہوئے قانون کی سربلندی کو یقینی بنانے کے عزم کا اعادہ کیا۔