قائداعظم انڈسٹریل اسٹیٹ کے وفد کی چیف ایگزیکٹو لیسکو انجینئر رمضان بٹ سے ملاقات

(سید عاطف ندیم-پاکستان):وفد نے اس موقع پر توقع ظاہر کی کہ انجینئر رمضان بٹ کی قیادت میں لیسکو صنعتی اداروں کی بہتری اور سہولیات کی فراہمی کے لیے مزید مؤثر کردار ادا کرے گا۔ وفد نے چیف ایگزیکٹو آفیسر کو صنعتکاروں کو درپیش مسائل اور چیلنجز سے بھی آگاہ کیا۔
چیف ایگزیکٹو آفیسر لیسکو انجینئر رمضان بٹ نے وفد کولیسکو کی جانب سے صنعتی شعبے کے لیے کیے جانیوالے اقدامات سے آگاہ کیا اور انہیں یقین دہانی کرائی کہ لیسکو صنعتی شعبے کی ترقی کے لیے ہر ممکن اقدامات کر رہا ہے۔
انجینئر رمضا بٹ نے بتایا کہ لیسکو افسران نے دن رات محنت کرکے اووربلنگ کا مکمل خاتمہ کردیا ہے جبکہ صنعتی شعبے کو بجلی کی بلا تعطل فراہمی کے لیے بھی خصوصی اقدامات کیے گئے ہیں۔ انہوں نے کہا کہ لیسکو کے تمام ایس ایز، ایکسینئز اور ایس ڈی اوز روزانہ کی بنیاد پر کھلی کچہریاں لگا رہے ہیں جس کے خاطر خواہ نتائج سامنے آرہے ہیں۔ وفد نے صنعتی شعبے کے لیے قابل قدر اقدامات کرنے پر چیف ایگزیکٹو انجینئر رمضان بٹ کا شکریہ ادا کیا۔