ٹک ٹاک پاکستان میں کانٹنٹ کریئیٹرز کے لیے کمیونٹی گائیڈلائنز ورکشاپس کا انعقاد کرے گا
یہ مہم ٹک ٹاک کی اپنی کمیونٹی کی حفاظت اور بہبود کے لیے جاری اقدامات کا ایک حصہ ہے، جو کہ صارفین کے لیے ایک محفوظ اور متحرک ماحول کو فروغ دینے کے لیے کاوشوں کو اُجاگر کرتی ہے اور ذمہ دارانہ کانٹنٹ کریئشن کے طریقوں کی حوصلہ افزائی سمیت ایک محفوظ ڈیجیٹل ماحول کو فروغ دیتی ہے
پاکستان(نمائندہ وائس آف جرمنی): ٹک ٹاک نے پاکستان میں اپنی کمیونٹی گائیڈ لائنز کے بارے میں آگاہی اور فہم کو بڑھانے کے لیے ایک دلچسپ مہم کا آغاز کیا ہے۔ اس اقدام کی مرکزی سوچ کے تحت ٹک ٹاک ملک بھر میں ورکشاپس کے ایک سلسلے کی میزبانی کر رہا ہے جو پلیٹ فارم کی کمیونٹی گائیڈ لائنز کے بارے میں کانٹنٹ کریئیٹرز کی سمجھ کو مضبوط کرنے کے لیے ڈیزائن کیا گیا ہے۔ یہ مہم ٹک ٹاک کی اپنی کمیونٹی کی حفاظت اور بہبود کے لیے جاری اقدامات کا ایک حصہ ہے، جو کہ صارفین کے لیے ایک محفوظ اور متحرک ماحول کو فروغ دینے کے لیے کاوشوں کو اُجاگر کرتی ہے اور ذمہ دارانہ کانٹنٹ کریئشن کے طریقوں کی حوصلہ افزائی سمیت ایک محفوظ ڈیجیٹل ماحول کو فروغ دیتی ہے۔
ٹک ٹاک کی کمیونٹی گائیڈ لائنز ایک جامع فریم ورک ہیں جو پلیٹ فارم کے استعمال کے نگراں اصولول اور معیار کا خاکہ پیش کرتی ہے۔ یہ گائیڈ لائنز ابھرتے ہوئے ٹرینڈز اور ممکنہ خطرات کی مناسبت کے مطابق ڈھلنے کے لیے تیار کی گئی ہیں، جو پلیٹ فارم کو آن لائن رویوں سے منسلک خطرات کو مؤثر طریقے سے کم کرنے کے قابل بناتے ہیں۔رواں سال 21 اپریل سے مؤثر ہونے والی تازہ ترین اپ ڈیٹس، دنیا بھر کی 100 سے زیادہ تنظیموں اور ٹک ٹاک کمیونٹی کے اراکین کے ساتھ مشاورت کے بعد تیار کی گئیں۔
ٹک ٹاک پاکستان کے کچھ مقبول ترین کانٹنٹ کریئیٹرز کے ساتھ بھی شراکت داری کر رہا ہے جو اپنے کانٹنٹ سے پلیٹ فارم کی کمیونٹی گائیڈلائنز کے بارے میں آگاہی فراہم کرنے میں مدد کریں گے۔ ہیش ٹیگ SaferTogether# کے تحت، مہم کا لینڈنگ پیج پاکستانی کمیونٹی کے لیے ٹک ٹاک پر قابل رسائی ہو گا جہاں وہ اپنے پسندیدہ کانٹنٹ کریئیٹرز کی ویڈیوز دیکھ سکیں گے جو ان کمیونٹی گائیڈلائنز کو سمجھنے کی اہمیت کے بارے میں بات کریں گے اور بتائیں گے کہ کس طرح ان کے شائع کردہ کانٹینٹ کے معیار کو بہتر بنانے میں مدد مل سکتی ہے ۔
ٹک ٹاک بطور حامیِ تنوع اور فنی اظہار اپنی کمیونٹی کو ترغیب دیتا ہے کہ وہ ثقافتی حساسیت کو برقرار رکھتے ہوئے اور مثبت اقدار کو بڑھاتے ہوئے اپنی تخلیقی صلاحیتوں کو اپنائے ۔ ٹک ٹاک نے اس بات کو یقینی بناتے ہوئے کہ ہر صارف برھتی ہوئی ڈیجیٹل کمیونٹی کے لیے رکھی گئی توقعات کو سمجھے، اپنی متنوع کمیونٹی کو کمیونٹی گائیڈلائنز کی اہمیت کے حوالے سے تعلیم دینے میں سرمایہ کاری کی ہے۔ یہ پلیٹ فارم اپنی کمیونٹی کو صحیح ٹولز اور وسائل کے ساتھ بااختیار بنانے کے لیے پرعزم ہے تاکہ وہ اپنی تخلیقی صلاحیتوں کو محفوظ طرز سے آگے بڑھا کر کمیونٹی کی فلاح و بہبود کو ذمہ داری سے فروغ دے کر خوشیاں بانٹ سکے۔
ٹک ٹاک باہمی تعاون کے جذبے کی اہمیت سمجھتا ہے جو آن لائن سیفٹی کو فروغ دینے کے لیے ضروری ہے۔ پلیٹ فارم دنیا بھر کی بے شمار تنظیموں اور تخلیق کاروں کا شکریہ ادا کرتا ہے، جنہوں نے اس بات کو تسلیم کرتے ہوئے کہ محفوظ ڈیجیٹل ماحول کو برقرار رکھنے کے لیے اجتماعی کوشش کی ضرورت ہے، کمیونٹی گائیڈلائنز کے فروغ کے لیے اپنا حصہ ڈالا۔
