حزب اللہ گروپ لبنان میں اپنی طاقت بحال کرنے کی کوشش کر رہا: اسرائیلی ذرائع

تل ابیب: ایک اسرائیلی سکیورٹی ذریعے نےبتایا ہے کہ حزب اللہ گروپ لبنان میں اپنی طاقت بحال کرنے کی کوشش کر رہا ہے۔ انہوں نے مزید کہا ہے کہ حزب اللہ گروپ ہوائی اڈے، بندرگاہ اور سرحدوں کے ذریعے ہتھیاروں کی سمگلنگ کی کوشش کر رہا ہے۔ انہوں نے کہا کہ یہ ڈرونز اور درست میزائلوں میں استعمال ہونے والے آلات اسمگل کر رہا ہے۔ تاہم انہوں نے اسی وقت واضح کیا کہ یہ گزشتہ جنگ سے پہلے کے مقابلے میں بہت کمزور ہے۔
خانہ جنگی
اسرائیلی سکیورٹی ذریعے نے کہا کہ حزب اللہ لبنان میں نئی خانہ جنگی شروع کر سکتا ہے۔ اسرائیل امریکی حمایت سے لبنان کے تمام حصوں میں حزب اللہ کو نشانہ بنانا جاری رکھے گا۔ ذریعے نے دعویٰ کیا کہ اسرائیل لبنان کو ان مقامات کی معلومات اور نقاط فراہم کر رہا ہے جنہیں وہ نشانہ بنا رہا ہے۔
انہوں نے یہ بھی اشارہ کیا کہ لبنانی فوج اور حزب اللہ کے درمیان ہتھیاروں پر کنٹرول حاصل کرنے کی دوڑ ہے۔ جب فوج حزب اللہ کے ہتھیار ضبط نہیں کرتی تو ہم بمباری کردیتے ہیں۔ انہوں نے کہا کہ گروپ حزب اللہ فیصلہ کرتا ہے کہ فوج کو کب اور کہاں ہتھیار ضبط کرنے کی اجازت دی جائے۔ انہوں نے کہا وہ اب بھی سٹریٹجک ہتھیاروں کو برقرار رکھے ہوئے ہے اور انہیں حوالے نہیں کرنا چاہتا اور اسرائیل ان کے ٹھکانوں کو یکے بعد دیگرے بے نقاب کر رہا ہے۔
ہم پیچھے نہیں ہٹیں گے
اسرائیلی سکیورٹی ذریعے نے یہ بھی کہا کہ اسرائیلی افواج پانچ پوائنٹس سے اس وقت تک پیچھے نہیں ہٹیں گی جب تک حزب اللہ اپنی طاقت بحال کرنے کی کوشش کرتا رہے گا۔ لبنانی حکام نے گزشتہ عرصے میں کئی بار اس بات پر زور دیا ہے کہ وہ ریاست کے ہاتھ میں ہتھیاروں کو محدود کرنے کے لیے پرعزم ہیں۔ انہوں نے حزب اللہ کے ہتھیاروں کے معاملے پر بات چیت کرنے کے عزم کا اظہار کیا ہے۔