آئی جی پنجاب ڈاکٹر عثمان انور کاصوبے کے مختلف شہروں میں نئے سیف سٹی پراجیکٹس بارے خصوصی ویڈیو پیغام

پاکستان لاہور(نمائندہ وائس آف جرمنی): انسپکٹر جنرل پولیس پنجاب ڈاکٹر عثمان انور نے صوبے کے مختلف اضلاع میں زیر تکمیل نئے سیف سٹی پراجیکٹس بارے خصوصی ویڈیو پیغام میں کہا ہے کہ پنجاب پولیس نے عشرہ محرم کے دوران 10700 سے زائد جلوس، 38 ہزار سے زائد مجالس کے سکیورٹی انتظامات یقینی بنائے،01 لاکھ 35 ہزار سے زائد افسران اور اہلکاروں نے ہائی الرٹ ہو کر فرائض ادا کئے، یوم عاشور پرپنجاب کے تمام بڑے اضلاع میں جلوسوں و مجالس کو سیف سٹی کیمروں سے مانیٹر کیا گیا، راولپنڈی، گوجرانوالہ، فیصل آباد، قصور اور پاکپتن سمیت دیگر اضلاع جدید کیمروں کے ذریعے سیف سٹی لاہور سے انٹرلنک ہیں جہاں سے حساس مجالس و جلوسوں کو مستقل مانیٹر کیا گیا۔ آئی جی پنجاب ڈاکٹر عثمان انور نے کہا کہ رواں سال پنجاب کے 18 شہروں میں سیف سٹی پراجیکٹس مکمل کر لئے جائیں گے مزید 30 جون 2025ء تک وزیر اعلی پنجاب مریم نواز شریف کے ویژن کے مطابق پنجاب کا کم و بیش ہر شہر سیف سٹی بن چکا ہو گا، ڈاکٹر عثمان انور نے کہا کہ آرٹیفیشل انٹیلی جنس سمیت جدید پولیسنگ سسٹم سے جرائم کنٹرول، ٹریفک مینجمنٹ سمیت قوانین کی دیگر خلاف ورزیوں پر فوری کاروائی عمل میں لائی جا رہی ہے، ویڈیو مانیٹرنگ کے ساتھ ساتھ فیس ٹریس و نمبر پلیٹ شناخت کے جدید پولیسنگ سسٹم سمیت ڈیٹا بینک کو انٹرلنک کیا گیا ہے، ڈاکٹر عثمان انور نے کہا کہ دھواں چھوڑتی گاڑیوں، تجاوزات، سموگ، صفائی انتظامات سمیت دیگر اہم امور میں بھی سیف سٹی نیٹ ورک بھرپور معاونت فراہم کر رہے ہیں، عید قربان پر 1067 کیمروں کی مختلف مقامات پر مانیٹرنگ سے صفائی کے انتظامات میں مدد ملی، ڈاکٹر عثمان انور نے کہا کہ تمام شہروں میں سیف سٹیز کا میگا پراجیکٹ پنجاب حکومت، پی آئی ٹی بی اور پنجاب پولیس مل کر مکمل کر رہے ہیں، نئے سیف سٹیز میں استعمال ہونے والا سافٹ وئیر ہمارا اپنا، اربوں روپے کی بچت ہو رہی ہے۔