لیسکو میں بجلی چوروں کیخلاف آپریشن جاری، متعدد بجلی چور گرفتار،ترجمان لیسکو

لاہور پاکستان(نمائندہ وائس آف جرمنی): وزیرِاعظم پاکستان اور وزارت توانائی کی ہدایات پرلیسکوکے چیف ایگزیکٹو انجینئر شاہد حیدر کی زیر نگرانی لیسکو ریجن میں بجلی چوروں کیخلاف آپریشن بھر پور طریقے سے جاری ہیں۔ لیسکو ترجمان کی جانب سے جاری کردہ اعلامیے کے مطابق لیسکو میں سترویں روز کے آپریشن کے دوران تمام سرکل میں 506 کنکشنز بجلی چوری میں ملوث پائے گئے۔505 بجلی چوروں کے خلاف ایف آئی آرز کی درخواستیں متعلقہ تھانوں میں دائر کر دی گئی ہیں جن میں سے292ایف آئی آرز رجسٹرڈ ہو چکی ہیں جبکہ20ملزمان کو گرفتار بھی کیا گیاہے، پکڑے جانے والے کنکشنز میں زرعی1،کمرشل19 اور486ڈومیسٹک تھے۔تمام کنکشنز منقطع کر کے ان کو934,942(نو لاکھ چونتیس ہزار نو سو بیالیس) یونٹس ڈٹیکشن بل کی مد میں چارج کئے گئے ہیں جن کی مالیت 36,813,404 (تین کڑوراڑسٹھ لاکھتیرہ ہزار چار سو چار)روپے ہے۔
بجلی چوروں کیخلاف کئے جانے والے آپریشن میں بڑے زرعی اور کمرشل صارفین بھی بجلی چوری میں ملوث پائی گئے۔ ان تمام کے کنکشنز بھی منقطع کئے گئے اور ان کو ڈٹیکشن یونٹس چارج کئے گئے تفصیل کے مطابق مستوال الہ آباد میں زرعی کنکشن کو 14,949یونٹس (373,421)روپے،اینکس امامیہ کالونی فیروز والا میں کنکشن کو6020 یونٹس(500,000)روپے،فیکٹری ایریا میں کنکشن کو پکڑے جانے پر3200 یونٹس(300,000)روپے،فیروز والا میں کنکشن کو4000یونٹس،(250,000)روپے کی رقم چارج کی گئی ہے۔
تفصیل کے مطابق لیسکو ریجن میں سترہ روز کے آپریشن کے دوران کل7726کنکشن چیک کئے گئے،7078کنکشن کیخلاف ایف آئی آر کی درخواستیں جمع کروائی گئیں جن میں سے5993درخواستیں رجسٹرڈ ہو چکی ہیں۔کل476ملزمان کو گرفتار کیا گیا ہے۔بجلی چوروں کو اب تک16,886,248(ایک کڑواڑسٹھ لاکھ چھیاسی ہزار دو سو اڑتالیس)یونٹس چارج کئے گئے ہیں جن کی رقم (732,776,020)تہتر کڑورستائیس لا کھ چھہتر ہزاربیس روپے ہے۔ واضح رہے بجلی چوروں کیخلاف آپریشنز وفاقی پاور ڈویژن کی جانب سے دی گئی ہدایات کے مطابق کیئے جا رہے ہیں اور چیف ایگزیکٹو انجینئر شاہد حیدر بذاتِ خود ان آپریشنز کی نگرانی کر رہے ہیں۔ لیسکو چیف کا کہنا ہے کہ بجلی چوری کے مکمل خاتمے تک بلا تفریق گرینڈ آپریشن جاری رہے گا۔ آپریشن کے دوران بجلی چوروں کے ساتھ ساتھ ان کی سرپرستی کرنیوالے لیسکو افسران و ملازمین کو بھی قانون کے کٹہرے میں لایا جائے گا۔