![](https://vogurdunews.de/wp-content/uploads/2021/11/download-6-1.jpg)
آسان شرائط پر قرض : کاروباری حضرات کیلیے بڑی خبر آگئی
وفاقی وزیر خسرو بختیار کا کہنا ہے کہ نئی ایس ایم ای پالیسی کے تحت ایس ایم ای کارڈ کا اجراء کیا جائے گا، جس کے تحت کاروباری حضرات ٹیکس ریلیف آسان شرائط پرقرض لے سکیں گے
اسلام آباد : وفاقی وزیر خسرو بختیار کا کہنا ہے کہ نئی ایس ایم ای پالیسی کے تحت ایس ایم ای کارڈ کا اجراء کیا جائے گا، جس کے تحت کاروباری حضرات ٹیکس ریلیف آسان شرائط پرقرض لے سکیں گے اور ہر چھوٹا بڑا کاروبار مستفید ہوگا۔
تفصیلات کے مطابق وفاقی وزیر خسرو بختیار کی زیرصدارت کامرس چیمبرز کے صدور اور کاروباری شخصیات کااہم اجلاس ہوا ، جس میں مشیر تجارت عبدالرزاق داؤد کی بھی شرکت کی۔
اجلاس میں مجوزہ ایس ایم ای پالیسی کے اہم مندرجات پر شرکا کو بریفنگ دی گئی اور آسان قرضوں کی فراہمی،آڈٹ،ٹیکس چھوٹ کی تفصیلات سے آگاہ کیا گیا، ایس ایم ایز اسٹیک ہولڈرز نے خسرو بختیار کی پالیسی کیلئے رابطہ اجلاس کو سراہا۔
وفاقی وزیر خسرو بختیار نے کہا نئی پالیسی کے تحت ایس ایم ای کارڈ کا اجراء کیا جائے گا، جس کے تحت کاروباری حضرات ٹیکس ریلیف آسان شرائط پرقرض لے سکیں گے۔
خسرو بختیار کا کہنا تھا کہ نئی پالیسی کے تحت ایس ایم ای پورٹل بھی لانچ کر دیا گیا ہے، ایس ایم ای پورٹل کو کاروبارکی وسعت، این او سی حصول میں آسانی ہو گی، نئی ایس ایم ای پالیسی سے ہر چھوٹا بڑا کاروبار مستفید ہوگا۔
انھوں نے کہا کہ نئی پالیسی چھوٹے و درمیانے درجے کاکاروبار بڑھانے کیلئے مرتب کی گئی ، ایس ایم ایز کے کاروبار کو وسعت کیلئے ایک فنڈ تشکیل دیا جائے گا، خواتین سے منسلک کاروبار کیلئے نئی پالیسی میں خصوصی مراعات ہوں گی۔
وفاقی وزیر نے بتایا کہ پنجاب میں ایس ایم ایز کیلئے ای انسپیکشن پورٹل کا اجراکر دیا ہے،پالیسی میں ایس ایم ایز ایکسپورٹرز کو سہولیات فراہم کی جائے گی جبکہ برآمدی ایس ایم ایز کیلئے مشترکہ گودام کا آغاز کیا جائے گا۔
ان کا کہنا تھا کہ آئی ٹی ،گارمنٹ صنعتوں کو فروغ دینے کیلئےاقدامات کئے جا رہے ہیں، پاکستانی مصنوعات کی عالمی سطح پرمارکیٹنگ کیلئےاقدامات کئےجائیں گے۔