پنجاب، مزید 5 کورونا مریض جان کی بازی ہار گئے

محکمہ صحت پنجاب کا یہ بھی کہنا ہے کہ لاہور میں کورونا وائرس کے مثبت کیسز کی شرح 1.4 فیصد ریکارڈ کی گئی۔
صوبہ پنجاب کے محکمۂ صحت کا کہنا ہے کہ گزشتہ 24 گھنٹوں کے دوران کورونا وائرس کے باعث صوبے بھر میں 5 شہری جان کی بازی ہار گئے۔ محکمہ صحت پنجاب کے مطابق پنجاب بھر سے کورونا وائرس کے 80 نئے کیسز سامنے آئے ہیں۔ محکمہ صحت پنجاب نے بتایا کہ اس دوران صوبے میں کورونا کے مثبت کیسزکی شرح 0 اعشاریہ 5 فیصد ریکارڈ کی گئی۔ محکمۂ صحت پنجاب کا کہنا ہے کہ پنجاب میں کورونا وائرس کے مزید 16 ہزار 29 تشخیصی ٹیسٹ کیے گئے۔ محکمہ صحت پنجاب کا مزید کہنا ہے کورونا وائرس کے لاہور میں 47 اور راولپنڈی میں 10 کیسز رپورٹ ہوئے ہیں۔ محکمہ صحت پنجاب کا یہ بھی کہنا ہے کہ لاہور میں کورونا وائرس کے مثبت کیسز کی شرح 1.4 فیصد ریکارڈ کی گئی۔