لاہور پولیس شہریوں کو ڈیجیٹلائزڈ آن لائن خدمات کی فراہمی یقینی بنا رہی ہے

لاہور پاکستان(نمائندہ وائس آف جرمنی):‌ڈی آئی جی آپریشنز لاہور سید علی ناصر رضوی نے کہا ہے کہ لاہور پولیس خدمت مراکز کے ذریعے شہریوں کو ڈیجیٹلائزڈ آن لائن خدمات کی فراہمی یقینی بنارہی ہے۔ سرکاری ونجی ادارہ/کمپنی کے ملازمین کی پولیس ویری فکیشن کا حصول انتہائی آسان بنایا گیا ہے۔ پنجاب کے سرکاری و نجی ادارے آن لائن سنٹرز کے ذریعے ویریفکیشن کروا سکتے ہیں۔ متعلقہ ادارہ اپنے نمائندہ کو اتھارٹی دے کر ملازمین کا پولیس سرٹیفکیٹ حاصل کر سکتا ہے۔ سید علی ناصر رضوی نے بتایا کہ رواں ماہ ابتک 10ہزار902شہریوں نے خدمت مراکز سے استفادہ کیا۔مجموعی طور پر09ہزار700شہریوں کوکریکٹر اور ویریفکیشن سرٹیفکیٹس جاری کئے گئے۔جنرل ویریفکیشن کیلئے04ہزار718شہریوں نے مختلف پولیس خدمت مراکزسے رجوع کیا۔ 630شہریوں نے باعزت طریقہ سے گمشدگی رپورٹ جبکہ کرایہ داری اندراج،کرائم رپورٹس، ایف آئی آرزنقول کی سہولت سے بھی شہریوں نے استفادہ کیا۔سید علی ناصر رضوی نے مزید بتایا کہ شہریوں کی سہولت کیلئے پولیس خدمت مرکز ڈی آئی جی آپریشنز آفس، گلبرگ لبرٹی مارکیٹ،اقبال ٹاؤن مون ماکیٹ،گریٹر اقبال پارک،ارفع کریم ٹاور،لاہور چیمبر آف کامرس اینڈ انڈسٹری،بحریہ ٹاؤن،میو ہسپتال، ہائی کورٹ،ٹاؤن ہال اورڈیفنس Kبلاک میں قائم کئے گئے ہیں۔پولیس موبائل خدمت مرکز بھی شہر کے مختلف مقامات پر شہریوں کو خدمات فراہم کر رہا ہے۔ویری فکیشن سرٹیفکیٹس، گمشدگی رپورٹ، تجدید ڈرائیونگ لائسنس سمیت 14اقسام کی سہولیات فراہم کی جا رہی ہیں۔ انہوں نے کہا کہ شہریوں کو آن لائن خدمات کی فراہمی یقینی بنانے کے لئے ہرممکن اقدام عمل میں لائے جارہے ہیں۔ شہری اپنے قریبی خدمت مرکز یا پولیس موبائل خدمت مرکز سے استفادہ کریں۔