سی ٹی او لاہور مستنصر فیروز کی سندھ پولیس کے سپیشلائزڈ ٹریننگ کورس کے 28 زیر تربیتی ڈی ایس پیز افسران کے وفد کو سٹی ٹریفک پولیس کے انفراسٹرکچر، ورکنگ اور عوامی سہولیات کے منصوبوں پر بریفنگ

لاہور پاکستان(نمائندہ وائس آف جرمنی):‌سندھ پولیس کے زیر تربیتی ڈی ایس پیز افسران نے شہید احمد مبین پولیس لائنز کا وزٹ کیا، سی ٹی او لاہور مستنصر فیروز نے زیر تربیتی افسران کو بریفنگ دی، ایس پی ذوہیب رانجھا، ایس پی شہزاد خان، ڈی ایس پی ہیڈکوارٹرز نازیہ باقر، ڈی ایس پی لائسنسنگ بشریٰ عبدالغنی بھی ہمراہ موجود رہے،مستنصر فیروز نے افسران کے زیر تربیت ڈی ایس پیز کو ٹریفک پولیس پر مفصل بریفنگ دی، افسران کو سمارٹ ٹریفک مینجمنٹ سسٹم، راستہ ایپ ،ای چلاننگ اور روڈ سیفٹی پر بریفنگ دی گئی ،وفد کو لائسنسنگ، مانیٹرنگ اور سروس انفراسٹریکچر سمیت متعدد ایشوز پر مفصل بریفنگ دی گئی، شہر لاہور میں 74 لاکھ سے زائد گاڑیوں کو رواں دواں رکھنا چیلنج سے کم نہیں، مستنصر فیروز کا کہنا تھا کہ پولیس سروسز کی فراہمی، ایجوکیشن اور انفورسمنٹ اولین ترجیحات ہیں،سٹی ٹریفک پولیس کی جدید سہولیات سے آراستہ ہے، محدود وسائل میں بہترین سروس فراہم کی جارہی ہے، سی ٹی او لاہور کا مزید کہنا تھا کہ ٹریفک قوانین پرسختی کرنے سے حادثات میں واضح کمی ہوئی، ون وے خلاف زیر ٹولررنس سے 90 فیصد حادثات میں کمی آئی، ہیلیمٹ مہم سے 83 فیصد ہیڈ انجری کے حادثا ت میں کمی ہوئی، سی ٹی او لاہور نے وفد کو بتایا کہ ٹریفک ایشوز کے ممکنہ حل کیلئے ٹرانسپورٹرز، سماجی اور تاجر نمائندوں پر مشتمل کمیٹیاں بھی تشکیل دی گئیں ہیں،تجاوزات کے خاتمہ کیلئے وسیع پیمانے پر کریک ڈاؤن کیا جارہا ہے، ٹریفک بہاؤ میں رکاوٹ کی بڑی وجوہات تجاوزات، نامناسب روڈ سڑیکچر، گاڑیوں کی تعداد میں بے تحاشا اضافہ ہے،بریفنگ کے اختتام پر سی ٹی او لاہور نے وفد کے مختلف سوالوں کے جوابات دئیے،وفد نے شہریوں کی سہولت اور ٹریفک کو رواں دواں رکھنے کیلئے کئے جانے والے اقدامات کو سراہا۔