لیسکو کے ترسلی نظام کی مضبوطی اور سسٹم کی اپ گریڈیشن سے متعلق بے شمار کام سر انجام دئیے جا رہے ہیں۔چیف ایگزیکٹو انجینئر شاہد حیدر

لاہور الیکٹرک سپلائی کمپنی(لیسکو) کے چیف ایگزیکٹو انجینئر شاہد حیدر کا کہنا ہے کہ بجلی کے ترسیلی نظام کی بہتری اور صارفین کو بہتر سہولیات فراہم کرنے کے لئے ریجن بھر میں اصلاحات کا سلسلہ جاری ہے۔اس حوالے سے چیف انجینئر او اینڈ ایم (ٹی اینڈ جی)کے زیر نگرانی جی ایس او کی ٹیمیں سالانہ مرمتی اور ترقیاتی کاموں کے علاوہ بھی سسٹم کو مکمل طور پر مستحکم اور مضبوط رکھنے کے لئے بے شمار کام سر انجام دے رہی ہیں۔جی ایس او سرکل کی ٹیموں نے رواں سال کے ماہ مارچ میں لیسکو کے 132Kvسسٹم کے جو مرمتی کام سر انجام دئیے ان میں 1نیا 11KV فیڈرانرجائزڈ کیا گیا،1بیٹری بنک کی تبدیلی،کرنٹ ٹرانسفارمر کی تبدیلی،20 اے ایم آر میٹر لگائے گئے،1 جگہ پر تھروموویژن ہاٹ اسپاٹ اٹینڈ کیا گیا،1جگہ پر ٹرانسمیشن کٹ اپلائی کی گئی، سیفٹی سیمینار کا انعقاد کیا گیا، فائر فائیٹنگ ریہرسل کروائی گئی،ڈسک انسولیٹر کی صفائی،ٹرانسمیشن لائن کی پٹرولنگ، درختوں کی چھٹائی، جمپرز کی تبدیلی، کنڈکٹرز کی تبدیلی جیسے کام کئے گئے۔چیف انجینئر او اینڈ ایم (ٹی اینڈ جی) کا کہنا ہے کہ سسٹم کی بہتری کے کا م جاری ہیں جس پر لیسکو انتظامیہ تمام فیلڈاسٹاف کی کارکردگی کو سراہتی ہے۔چیف ایگزیکٹو انجینئر شاہد حیدر کا کہنا ہے کہ لیسکو سسٹم کو درپیش تما م رکاوٹیں ختم کرنے کے اپنے ٹارگٹ پر بھر پور طریقے سے مصروف عمل ہے اور سسٹم کو مزید مضبوط اور بہتر بنانے کے لئے لیسکو نے بہت سے ٹھوس اقدامات کئے ہیں جس کے باعث صارفین کوبلا تعطل بجلی فراہم کی جا رہی ہے۔