پاکستان سپر لیگ کے جاری میچز کی سکیورٹی کے لئے لاہور پولیس بھرپور اقدامات کر رہی ہے: سربراہ لاہور پولیس فیاض احمد دیو
پاکستان سپر لیگ ٹی ٹونٹی کرکٹ سیزن سیون کے صوبائی دارلحکومت میں جاری میچز کی سکیورٹی کے لئے لاہور پولیس بھرپور اقدامات کر رہی ہے
لاہور پاکستان (وائس آف پیپل یو ایس اے):پاکستان سپر لیگ ٹی ٹونٹی کرکٹ سیزن سیون کے صوبائی دارلحکومت میں جاری میچز کی سکیورٹی کے لئے لاہور پولیس بھرپور اقدامات کر رہی ہے۔ پشاورزلمی اور کوئٹہ گلیڈی ایٹرز کی ٹیموں کے درمیان پی ایس ایل کے دوسرے مرحلے کے ساتویں میچ کے پر امن انعقاد کے لئے سی سی پی او لاہور ایڈیشنل آئی جی فیاض احمد دیو کی قیادت میں لاہور پولیس کی طرف سے سکیورٹی کے سخت انتثامات عمل میں لائے گئے تھے۔کھلاڑیوں اور شائقین کرکٹ کو بھرپور سیکورٹی فراہم کرنے کے لئےڈی آئی جی آپریشنز ڈاکٹر عابد خان اور سی ٹی او لاہور منتظر مہدی کی زیر نگرانی سکیورٹی و ٹریفک کے مربوط انتظامات عمل میں لائے گئے۔سربراہ لاہور پولیس فیاض احمد دیو اور سینئر پولیس افسران نے سکیورٹی انتظامات کا جائزہ لینے کے لئے ٹیموں کے روٹس، سٹیڈیم سمیت مختلف مقامات کا دورہ کیا۔انہوں نے تعینات پولیس افسران اورجوانوں کو انتہائی الرٹ ہو کرڈیوٹی کرنے،شہریوں سے خوش اخلاقی سے پیش آنے اور مشکوک سرگرمیوں پر کڑی نظر رکھنے کی ہدایت کی۔سی سی پی او لاہور نے کہا کہ ٹیموں کی سیکیورٹی و سیفٹی پر کوئی سمجھوتہ نہیں کیا جا سکتا۔کھلاڑیوں، آفیشلز اور شائقین کرکٹ کو مکمل فول پروف سیکیورٹی فراہم کی جا رہی ہے۔انہوں نے کہا کہ میچز سکیورٹی کے لئے پہلے سے زیادہ بہتر حکمت عملی اپنائی گئی ہے۔فول پروف سکیورٹی انتظامات کے لئے ضلعی انتظامیہ سمیت تمام اداروں سے کوارڈینیشن میں ہیں۔سی سی پی او لاہور نے پنجاب سیف سٹیز اتھارٹی کے کمانڈ اینڈ کنٹرول روم سے پی ایس ایل ٹیموں کی قیام گاہوں سے سٹیڈیم روانگی کے عمل کا جائزہ بھی لیا۔پی ایس ایل دوسرے مرحلے کے میچز کی سکیورٹی پر 08 ہزار سے زاہد پولیس افسران، جوان اور لیڈیزاہلکار تعینات کئے گئے۔کھلاڑیوں، آفیشلز، انٹرنیشنل میڈیا کی قیام گاہوں، سٹیڈیم اور روٹ پر 102 ڈولفن،82 پی آر یو،73ایلیٹ ٹیمیں،سنائپرز بھی مامور تھے۔شہر بھر میں سرچ اینڈ سویپ آپرشنز بھی باقاعدگی سے جاری ہیں جبکہ شہریوں کی آگاہی،ٹریفک روانی کے لئے متبادل روٹس بارے ہدایات سمیت ٹریفک ایڈوائزری جاری کی گئی ہے۔ٹیموں کے لئے دوران مومنٹ زیرو روٹ فراہم کیا گیا۔شائقین کو شناختی کارڈ، کورونا ویکسینیشن تصدیق، سکیورٹی و دیگر ایس او پیز کی چیکنگ کے بعد ہی سٹیڈیم میں داخلے کی اجازت دی جا رہی ہے۔
