بحثیت قوم ہمیں ملکی مفادات کو ذاتی مفادات پر ترجیح دینی چاہیے، سیکرٹری پنجاب اسمبلی عنایت اللہ لک

لاہور پاکستان(نمائندہ وائس آف جرمنی):‌سیکرٹری پنجاب اسمبلی عنایت اللہ لک نے وزیر اعلیٰ پنجاب انٹرن شپ پروگرام کے تحت نوجوان میڈیا گریجویٹس کے وفد سے پنجاب اسمبلی میں ملاقات کی۔ وفد میں تمکین آفتاب ملک میڈیا کنسلٹنٹ ڈی جی پی آر، حارث علی انفارمیشن آفیسر شامل تھے۔ اس موقع پر سیکرٹری پنجاب اسمبلی عنایت اللہ لک نے کہا کہ ہمارے سٹوڈنٹس کا وژن غیر ملکی سٹوڈنٹس کی نسبت زیادہ وسیع ہے۔ بحثیت قوم ہمیں ملکی مفادات کو ذاتی مفادات پر ترجیح دینی چاہیے۔ سیکرٹری اسمبلی عنایت اللہ لک نے انٹرنز کو پنجاب اسمبلی کی تاریخ اور قانون سازی کے حوالے سے بریفننگ دی۔ وفد نے پنجاب اسمبلی کی دونوں عمارتوں کا دورہ کیا اور دونوں ایوان دیکھے۔ وفد کے شرکاء نے پنجاب اسمبلی کی تاریخ،قواعد و ضوابط، سٹینڈنگ کمیٹیوں کی ورکنگ اور قانون سازی کے طریقہ کار میں گہری دلچسپی کا مظاہرہ کیا۔سیکرٹری اسمبلی نے مزید کہا کہ پنجاب اسمبلی کی نئی بلڈنگ کی تعمیر سے اسمبلی کے بہت سے مسائل حل ہو گئے ہیں۔تاہم رومن طرز تعمیر کی پہلی تاریخی عمارت کو محفوظ رکھا جائے گا۔ اسمبلی لائبریری کی چھیاسٹھ ہزار سے زائد کتب سے اراکین اسمبلی، اسمبلی سٹاف اور ریسرچرز مستفید ہوتے ہیں۔ ملاقات میں سپیشل سیکرٹری علی عمران رضوی بھی شریک ہوئے۔