لاہور پولیس کی رواں ماہ کی کارکردگی،پندرہ دن میں 5590 جرائم پیشہ و قانون شکن عناصر گرفتار کر لئے، سربراہ لاہور پولیس بلال صدیق کمیانہ
کیٹیگری اے کے 338، کیٹگری بی کے 1841 سمیت مجموعی طور پر 2952 اشتہاری و عادی مجرم گرفتار، نیشنل ایکشن پلان کے تحت 1357 قانون شکن عناصر کو گرفتار کرکے متعلقہ تھانوں میں مقدمات درج، ناجائز اسلحہ کے خلاف مہم کے دوران 410 ملزمان گرفتار کئے گئے، ملزمان کے قبضے سے 03 کلاشنکوف،23 رائفلز،06 بندوقیں، 366پسٹلز اور ریوالور، 05 ہزار سے زائد گولیاں برآمد، سی سی پی او لاہور
لاہور پاکستان(نمائندہ وائس آف جرمنی): سربراہ لاہور پولیس ایڈیشنل آئی جی بلال صدیق کمیانہ نے کہا کہ پولیس کارکردگی میں بہتری کے لئے مربوط اور موثر اقدامات عمل میں لائے جا رہے ہیں۔ایمرجنسی ون فائیو کی کال پر ریسپانس ٹائم سمیت چالاننگ کی شرح اور زیر تفتیش کیسز میں پیش رفت کو خود مانیٹر کر رہا ہوں۔مقدمات کا فوری اندراج اور میرٹ پر تفتیش تمام مسائل کا واحد حل ہے۔پولیسنگ ایک لائف سٹائل ہے جس کے تحت ہمارا اوڑھنا بچھونا خلق خدا کی خدمت، مظلوم کی داد رسی اور جرائم پیشہ افراد کی سرکوبی ہونا چاہیئے۔ایس پیز فیلڈ میں متحرک ہوں،کرائم کنٹرول اور شہریوں کی دادرسی پر فوکس کریں۔اعداد و شمار کے مطابق لاہور پولیس نے رواں ماہ اپریل کے ابتدائی پندرہ روز کے دوران جرائم پیشہ و قانون شکن عناصر کے خلاف کارروائی کرتے ہوئے مجموعی طور پر 05 ہزار 590 جرائم پیشہ و قانون شکن عناصر گرفتار کرکے متعلقہ تھانوں میں مقدمات درج کئے۔تفصیلات کے مطابق قتل، اقدام قتل، ڈکیتی اور رابری سمیت سنگین وارداتوں میں ملوث کیٹیگری اے کے 338 اور کیٹگری بی کے 1841 سمیت مجموعی طور پر 2952 اشتہاری و عادی مجرموں جبکہ 1561 عدالتی مفروروں کو پابند سلاسل کیا گیا۔سی سی پی او لاہور نے بتایا کہ شہر میں بدمعاشوں، رسہ گیروں اور شہریوں کو اسلحہ کی نمائش سے ہراساں کرنے والے 410 ملزمان گرفتار کرکے متعلقہ تھانوں میں مقدمات درج کئے گئے۔ناجائز اسلحہ کے خلاف اس گرینڈ آپریشن کے دوران 03 کلاشنکوف،23 رائفلز،06 بندوقیں، 366 پسٹلز اور ریوالور جبکہ 05 ہزار سے زائد گولیاں اور کارتوس برآمد کئے گئے۔بلال صدیق کمیانہ نے مزید کہا کہ رواں ماہ کے ابتدائی پندرہ روز کے دوران منشیات فروشوں کے خلاف کریک ڈاؤن کے میں 438 ملزمان کو گرفتار کرکے ان کے قبضہ سے 300 کلوگرام سے زائد چرس، 04 کلو 990 گرام ہیروئن،01 کلو 890 گرام آئس جبکہ 03 ہزار 293 لٹر شراب برآمد کی گئی۔اسی طرح قمار بازوں کے خلاف کارروائی کے دوران 474 ملزمان کو گرفتار کیا گیا۔قمار بازوں کے خلاف متعلقہ تھانوں میں 95 مقدمات درج کر کے ملزمان کے قبضہ سے جوئے پر لگائی گئی 35 لاکھ 60 ہزار روپے سے زائد رقم برآمد کی گئی۔مزید براں رواں ماہ لاہور پولیس نے پتنگ بازی ایکٹ کی خلاف ورزی میں ملوث 349 ملزمان گرفتار کئے گئے۔ملزمان کے قبضے سے 08 ہزار 862 پتنگیں اور 332 ڈور چرخیاں نیز بڑی تعداد میں پتنگ سازی کا سامان بھی برامد کیا گیا۔لاہور پولیس نے ہوائی فائرنگ کے جرم میں 20 ملزمان کو بھی گرفتار کیا۔رواں ماہ اب تک نیشنل ایکشن پلان کے تحت رواں ماہ 1357 قانون شکن عناصر کو گرفتار کرکے متعلقہ تھانوں میں مقدمات درج کیے گئے۔نیشنل ایکشن پلان کے تحت سکیورٹی آف ولنرایبل اسٹیبلشمنٹ آرڈیننس کے تحت 201، آرمز ایکٹ کے تحت 410، کرایہ داری ایکٹ میں 537 قانون شکن عناصر، ساؤنڈ سسٹم ایکٹ کی خلاف ورزی پر 204، نفرت انگیز مواد کیسز میں 03 ملزمان جبکہ وال چاکنگ کے جرم میں 02 قانون شکن گرفتار کئے گئے۔
