کیا شہباز شریف اقتدار کے لئے نہیں بلکہ محکمہ زراعت میں نائب قاصد بھارتی ہونے کی جدو جہد کر رہا ہے؟ فیاض الحسن چوہان

لاہور پاکستان (نمائندہ وائس آف جرمنی):‌ترجمان وزیر اعلیٰ پنجاب فیاض الحسن چوہان نے شہباز شریف کے بیان پر رد عمل دیتے ہوئے کہا کہ کیا شہباز شریف اقتدار کے لئے نہیں بلکہ محکمہ زراعت میں نائب قاصد بھارتی ہونے کی جدو جہد کر رہا ہے؟ہر سیاسی جماعت کا سر برہ اور سیاسی جماعت اقتدار کے حصول کی جدو جہد کرتی ہے اور پی ٹی آئی منتخب ہو کر اپنے منشور کے مطابق عوام کی خدمت کرنا چاہتی ہے۔ انہوں نے کہا کہ عمران خان ایک جرآت مند لیڈر ہے جو آئین و قانون کے مطابق عوام کی خدمت کے لئے جدو جہد کر ہا ہے۔شہباز شریف نائب قاصد کی سیٹ کے لئے ہر قسم کے جوتے پالش کرنے کو تیار ہے۔ یہ لوگ اقتدار کی خاطر کسی بھی حد تک جا سکتے ہیں۔فیاض الحسن چوہان نے کہا کہ جب ان پر مشکل وقت آتا ہے دم دبا کر لندن بھاگ جاتے ہیں۔اقتدار کے بھوکے بھگوڑے ٹولے کو عوام کی زرا فکر نہیں ہے۔عوام ان کو اب مزید چونا نہیں لگانے دے گی۔انہوں نے کہا کہ عمران خان ایک حقیقی لیڈر ہے جو ہر جگہ عوام کے ساتھ کھڑا ہے۔ عمران خان کا جینا مرنا پاکستانی عوام کے لئے ہے۔