نواز شریف کے بھائی وزیر اعظم ہیں،کس بات کا ڈر ہے۔عوام کس کے ساتھ ھیں،عوام کو فیصلہ کرنے دیں۔ سپیکر محمد سبطین خان

لاہور پاکستان(نمائندہ وائس آف جرمنی):‌ سپیکر سردار محمد سبطین خان نے پنجاب اسمبلی میں پریس کانفرنس کی اور نگران وزیر اعلیٰ پنجاب کو لکھے گئے خط کی کاپی میڈیا سے شیئر کرتے ہوئے کہا کہ نگران حکومت سول بیوروکریسی کی غیر آئینی طور پر تعیناتیاں اور ٹرانسفرز کر رہی ہے۔ افسوسناک بات ہے کہ نگران حکومت نے متعصبانہ رویہ اختیار کر رکھا ہےاور پاکستان تحریک انصاف کو دیوار سے لگایا جا رھا ھے۔انھوں نے کہا کہ نگران حکومت کو غیر جانبدار ہونا چاہیے۔ نواز شریف وطن واپس آ کر مقدمات کا سامنا کریں۔نواز شریف کے بھائی وزیر اعظم ہیں،کس بات کا ڈر ہے۔عوام کس کے ساتھ ھیں،عوام کو فیصلہ کرنے دیں۔ انہوں نے کہا کہ پی ٹی آئی کے کارکنوں کا سیاسی استحصال کیا جارہا ہے۔ پی ٹی آئی کے کارکنوں کے گھروں پر پولیس چھاپے مارہی ہے اورناجائز گرفتاریاں کی جا رہی ہیں۔ آپ کی نگران حکومت پی ڈی ایم کی توسیع ہے۔ انہوں نے کہا کہ تحریک انصاف کے کارکنوں کے خلاف اینٹی کرپشن اسٹیبلشمنٹ میں بھی مقدمات درج کیے جا رہے ہیں۔ سپیکر نے کہا کہ حکومت ایجنسیز کو ہدایت کریں کہ وہ سیاسی استحصال سے باز رہیں۔سردار محمد سبطین خان نے نگران وزیر اعلیٰ کو خط میں کہا کہ نگران حکومت کا کام انتخابات کے انعقاد میں الیکشن کمیشن کی معاونت ہے۔ آئین کے مطابق اسمبلی کی تحلیل کے 90 دن سے زیادہ نگران حکومت قائم نہیں رہ سکتی۔ اس موقع پر میانوالی سے سابق اراکین پنجاب اسمبلی عبدالرحمن عرف ببلی خان، امین اللہ خان اور احمد خان بھی موجود تھے۔