تجارت مارکیٹ میں سبزیوں اور پھلوں کی من مانے نرخوں پر فروخت جاری

لاہور پاکستان(نمائندہ وائس آف جرمنی):‌مہنگائی مافیا بے لگام ہو گیا، مارکیٹ میں سبزیوں اور پھلوں کی من مانے نرخوں پر فروخت جاری ہے۔
پیاز 200 کے بجائے 230 ، ٹماٹر 65 کے بجائے 100 ، آلو 37 کے بجائے 60 روپے کلو تک فروخت ہو رہا ہے، پھلوں میں انار 700، سیب 340 روپے کلو، مسمی 240 ، کینو 220 روپے درجن تک بکنے لگے۔
دوسری طرف پولٹری مصنوعات بھی عوام کیلئے خواب بن گئی، مرغی کا گوشت 471 روپے کی سطح پر برقرار ہے، فارمی انڈے مزید 2 روپے فی درجن مہنگے ، قیمت 272 روپے درجن تک پہنچ گئی۔ انڈوں کی پیٹی 8 ہزار 40 روپے تک بکنے لگی۔