سیف سٹی لاسٹ اینڈ فاونڈ سنٹر نے 5گمشدہ بچوں کو والدین سے ملوا دیا

لاہور پاکستان(نمائندہ وائس آف جرمنی): سیف سٹی نے بچھڑوں کو اپنوں سے ملوانے کا سلسلہ جاری رکھتے ہوئے 5گمشدہ بچوں کو والدین سے ملوا دیا ۔تفصیلا ت کے مطابق سیف سٹی 15 ایمرجنسی پر بچوں کی گمشدگی اور ملنے کی کالز موصول ہوئیں۔سیف سٹی لاسٹ اینڈ فاؤنڈ سنٹر نے تمام کالز کا موازنہ کیا۔تصدیق کے بعد پولیس کے ذریعے بچوں کو ورثا کے حوالے کردیا گیا۔لاہور غازی آباد ، شاہدرہ سمیت پنجاب کے دیگر اضلاع سےگمشدہ بچوں کواپنوں ملوایا گیا۔گم ہونے والے بچوں کی عمریں 3 سے10 سال کے درمیان تھیں۔ترجمان پنجاب سیف سٹیز اتھارٹی کا کہنا تھاکہ سیف سٹی لاسٹ اینڈ فاؤنڈ سنٹر اب تک 5 ہزار سے زائد افراد کو اپنوں سے ملوا چکا ہے۔شہری کسی بھی گمشدگی کی صورت میں فورا 15 پر اطلاع دیں۔