لاہور پولیس تھانوں اور پولیس دفاتر کا انفراسٹرکچر بہتر بنانے کے لئے کوشاں ہے، سربراہ لاہور پولیس

لاہور پاکستان(نمائندہ وائس آف جرمنی):‌سربراہ لاہور پولیس ایڈیشنل آئی جی غلام محمود ڈوگر نے کہا ہے کہ لاہور پولیس تھانوں اور پولیس دفاتر کا انفراسٹرکچر بہتر بنانے کے لئے کوشاں ہے۔انہوں نے یہ بات آج تھانہ فیصل ٹاؤن کی نئی تعمیر شدہ سٹیٹ آف دی آرٹ عمارت کی افتتاحی تقریب کے شرکا سے خطاب کرتے ہوئے کہی۔سربراہ لاہور پولیس غلام محمود ڈوگر تقریب کے مہمان خصوصی تھے۔ڈی آئی جی آپریشنز افضال احمد کوثر،سی ٹی او ڈاکٹر اسد ملہی،ایس پی ایڈمن عاطف نذیر،ایس پی انوسٹی گیشن زوہیب رانجھاایس ڈی پی او گارڈن ٹاؤن اور سینئر پولیس افسران نے تقریب میں شرکت کی۔شہید کانسٹیبل اعظم سیماب کی بیٹی نے سی سی پی او لاہور غلام محمود ڈوگر کو پھولوں کا گلدستہ پیش کیا۔پولیس کے چاق و چوبند دستے نے سی سی پی او لاہور کو سلامی پیش کی۔سی سی پی او نے افتتاحی تختی کی نقاب کشائی اور فیتہ کاٹ کر تھانہ فیصل ٹاؤن کی نئی کثیر المقاصد عمارت کا باضابطہ افتتاح کر دیا۔ڈی آئی جی آپریشنز افضال احمد کوثر نے سی سی پی او لاہور کو نئی عمارت کے اغراض و مقاصد، فراہم کی جانے والی سہولیات اور لاہور پولیس کے انفراسٹرکچر کی بہتری کے لیے کئے جانے والے اقدامات بارے بریفنگ دی۔سی سی پی او لاہور نے تھانہ فیصل ٹاؤن کی عمارت کی بروقت تکمیل اور اچھی کارکردگی کا مظاہرہ کرنے پرایکسیئن بلڈنگز رفاقت علی،ڈی ایس پی ڈویلپمنٹ مصطفیٰ حسن، انچارج بلڈنگ برانچ کو تعریفی اسناد سے نوازا۔سی سی پی او غلام محمود ڈوگر نے تھانہ کی نئی عمارت کا معائنہ کیا اور تعمیراتی کام کے معیار کو سراہا۔افتتاحی تقریب سے خطاب کرتے ہوئے سی سی پی او لاہور غلام محمود ڈوگر نے کہا کہ لاہور پولیس کے 80 فیصد تھانوں کو جدید سہولیات سے مزین اپنی ذاتی بلڈنگز فراہم کر دی گئی ہیں۔ غلام محمود ڈوگر نے کہا کہ تھانے محمکہ پولیس کی بنیادی اکائی اور انصاف کی فراہمی کا اولین ذریعہ ہیں۔انہوں نے کہا کہ تھانوں اور پولیس دفاتر میں جدید سہولیات،سپاہ کے لئے ورکنگ کنڈیشن بہتر بنانامشن ہے۔انہوں نے کہا کہ تھانوں میں جدید سہولیات کی فراہمی سے شہریوں کے لئے پولیس کی سروس ڈیلیوری کا معیار مزید بہتر ہوا ہے۔سی سی پی او نے بتایا کہ تھانہ فیصل ٹاؤن کی نئی 04 منزلہ عمارت 03 کنال رقبہ پر محیط ہے۔تھانہ فیصل ٹاؤن کی نئی عمارت میں آپریشنز اور انوسٹی گیشن کے دفاتر ہیں۔عمارت میں فرنٹ ڈیسک،ایس ایچ او،انچارج انوسٹی گیشن رومز، لمردوں خواتین کے لئے علیحدہ حوالات شامل ہیں۔تھانہ فیصل ٹاؤن کی نئی عمارت کی تعمیر پر 09کروڑ روپے سے زائد لاگت آئی ہے۔تھانہ فیصل ٹاؤن کی نئی عمارت کی تعمیر کے لیے ایل ڈی اے سے اراضی 02 کروڑ 04 لاکھ روپے میں خریدی گئی۔تھانہ فیصل ٹاؤن کی نئی عمارت میں 40 کشادہ کمرے،ریکارڈ روم،آئی ٹی روم شامل۔عمارت میں تھانہ کا 05 ہزار گیلن گنجائش کا واٹر ٹینک، ذاتی ٹیوب ویل اور100 kv ٹرانسفارمر شامل ہے۔جوانوں کی رہائش کے لئے 04 کشادہ بیرکس،جدید کچن اور میس شامل ہیں۔قبل ازیں تھانہ فیصل ٹاؤن کرایہ کی بلڈنگ میں قائم تھا۔سی سی پی او غلام محمود ڈوگر کی حالیہ تعیناتی کے دوران تھانہ چوہنگ،گوالمنڈی، قلعہ گجر سنگھ،گلشن راوی اور تھانہ فیصل ٹاؤن کی نئی بلڈنگز تعمیر ہوئیں۔ڈویژنل ڈولفن سکواڈ ہیڈکوارٹرز سٹی ڈویژن اور ایس ڈی پی او نولکھا کے دفتر کی نئی عمارت تعمیر ہوئی۔کیپٹل سٹی پولیس ہیڈکوارٹرز کے مختلف برانچز میں فلور ٹائلنگ، پینلنگ، سیلنگ، الیکٹرک ورک، ریکارڈ ریکس اور ورکنگ سٹیشنز بھی بنائے گئے ہیں۔