جاری ترقیاتی منصوبوں میں ماحولیاتی تحفظ کے پہلوو ں کو ہر صورت یقینی بنایا جارہا ہے۔عامر احمد خان

لاہور پاکستان (نمائندہ وائس آف جرمنی): لاہور ڈویلپمنٹ اتھارٹی کے ڈائریکٹر جنرل عامرا حمد خان نے کہا ہے کہ ماسٹر پلان2050 آئندہ تین دہائیوں کے لیے لاہور ڈویژن کی تعمیر و ترقی کے لیے روڈ میپ مہیا کرے گا۔انہوں نے کہا کہ شہر میں جاری ترقیاتی منصوبوں میں ماحولیاتی تحفظ کے پہلوو¿ں کو ہر صورت یقینی بنایا جارہا ہے۔وہ گزشتہ روزلاہور ڈویلپمنٹ اتھارٹی کے ہیڈ آفس کے مطالعاتی دورے پر آنے والے32ویں سینئر مینجمنٹ کورس کے افسران سے گفتگو کر رہے تھے ۔وفد کو لینڈ ایکوزیشن، جاری ترقیاتی کاموں اور لاہور ماسٹر پلان پرتفصیلی بریفنگ دی گئی۔ڈائریکٹر جنرل ایل ڈی اے عامراحمدخان نے وفد کے شرکاءکو ایل ڈی اے کے مختلف شعبوں بارے بریفنگ دی۔اس موقع پر ڈائریکٹر جنرل عامراحمدخان نے کہا کہ ایل ڈی اے ون ونڈو سیل کے ذریعے شہریوں کو ایک ہی چھت تلے تمام سہولتیں فراہم کی جارہی ہیں،ریکارڈ کی کمپیوٹرائزیشن سمیت تمام ضروری اقدامات کئے گئے ہیں۔ انہوں نے بتایا کہ محفوظ سرمایہ کاری کو فروغ دینے کے لیے کیو آر کوڈ کا اجراءکیا گیا ہے۔ شہریوں کی طرف سے ایل ڈی اے کے ون ونڈو سیل پر جمع کروائی جانے والی درخواستوں پر جلد عمل درآمد کے لئے طریقہ کار کو آسان بنایا گیا ہے۔وفد کو بتایاگیا کہ ایل ڈی اے کی جانب سے شہر کے مختلف مقامات پر اربوں روپے کے ترقیاتی منصوبوں پر کام جاری ہے ۔ وفد کے شرکاءنے ایل ڈی اے کی جانب سے لاہور ڈویژن کی تعمیر و ترقی بارے لانگ و شارٹ ٹرم پلاننگ بارے کیے گئے اقدامات کو سراہا۔وفد کے شرکاءنے ون ونڈو آپریشنز سیل کا بھی دورہ کیا۔ڈی جی ایل ڈی اے عامر احمد خان نے وفد کے شرکاءکو شیلڈ پیش کی۔اس موقع پر ایڈیشنل ڈی جی ہیڈ کوارٹرزفارقلیط میر، ایڈیشنل ڈی جی ہاو¿سنگ صفی اللہ گوندل، چیف انجینئر ون اسرار سعید خان ، چیف انجینئر ٹومظہر حسین ، ڈائریکٹر ایڈمن، ڈائریکٹر سی اینڈ آئی،ڈائریکٹر ڈی جی ہیڈکوارٹرز و دیگر افسران بھی موجود تھے۔