سی ٹی او لاہور کیپٹن(ر) مستنصر فیروز کی ہدایت پر مساجد میں ٹریفک آگاہی لیکچرز

لاہور پاکستان(نمائندہ وائس آف جرمنی):‌سی ٹی او لاہور کیپٹن(ر) مستنصر فیروز کی ہدایت پر مساجد میں ٹریفک آگاہی لیکچرز کا سلسلہ جاری کیا گیا، ٹریفک انسپکٹرز نے مختلف مساجد میں روڈ سیفٹی پر لیکچرز دیئے، مساجد میں ون وے، ہیلمٹ، بغیر لائسنس سمیت دیگر خلاف ورزیوں پر آگاہی لیکچرز دئیے گئے، اس حوالے سے سی ٹی او لاہور کا کہنا تھا کہ دینی و دنیاوی تعلیم کے ساتھ ساتھ ٹریفک ایجوکیشن بھی لازم و ملزوم ہے، ٹریفک قوانین دراصل حقوق العباد کا حصہ ہیں، جس نے ایک شخص کی جان بچائی، گویا پوری انسانیت کی جان بچائی، ان کا کہنا تھا کہ مساجد سب سے بڑی درسگاہ، پیغام کا مقصد آپکے جان و مال کا تحفظ کو یقینی بنانا ہے، ان کا مزید کہنا تھا کہ لیکچرز کا مقصد آگاہی دیتے ہوئے شہریوں کی جان و مال کو بچانا ہے، اسلام ہمیں حقوق العباد کا درس دیتا ہے،سفر کرتے ہوئے صبر،برداشت کے دامن کو نہیں چھوڑنا چاہیے، کیپٹن(ر) مستنصر فیروز کا کہنا تھا کہ سڑک پر چھوٹی سے چھوٹی لاپرواہی سے کسی کی جان جاسکتی ہے، والدین کم عمر بچوں کو موٹر سائیکل، گاڑی ہرگز مت چلانے دیں، روڈ سیفٹی بارے شعور ہر فورم پر اجاگر کیا جارہا ہے،