موثر انتظامات اور ٹیم ورک سےیوم یکجہتی کشمیر کے پروگراموں کو بھرپور سکیورٹی فراہم کی گئی
ڈولفن سکواڈ،پولیس ریسپانس یونٹ،سٹی ٹریفک سمیت تمام پولیس یونٹس نے مربوط حکمت عملی اپنائی۔لاہور پولیس کے جوان ہائی الرٹ رہے،بھرپور چیکنگ اورموثر پٹرولنگ کی گئی
لاہور پاکستان(نمائندہ وائس آف جرمنی):سربراہ لاہور پولیس ایڈیشنل آئی جی بلال صدیق کمیانہ نے یوم یکجہتی کشمیر کے موقع پر بہترین سکیورٹی انتظامات پر لاہور پولیس کوشاباش دی ہے۔بلال صدیق کمیانہ نے کہا ہےکہ موثر انتظامات اور ٹیم ورک سےیوم یکجہتی کشمیر کے پروگراموں کو بھرپور سکیورٹی فراہم کی گئی۔ڈولفن سکواڈ،پولیس ریسپانس یونٹ،سٹی ٹریفک سمیت تمام پولیس یونٹس نے مربوط حکمت عملی اپنائی۔لاہور پولیس کے جوان ہائی الرٹ رہے،بھرپور چیکنگ اورموثر پٹرولنگ کی گئی۔لاہور پولیس نے یوم یکجہتی کشمیر کے موقع پر شہر بھر میں نکالی جانے والے ریلیوں، منعقدہ سیمینارز اور دیگر پروگراموں کو بھرپور سکیورٹی فراہم کرنے کے ساتھ خوبصورت انداز میں کشمیری عوام کی دلیرانہ جدجہد اور قربانیوں کو خراج عقیدت پیش کیا۔پولیس افسران اور جوانوں نے پوری قوم کے زمانہ شانہ بشانہ یوم یکجہتی کشمیر جوش و خروش سے منایا۔پولیس افسران اور اہلکاروں نے کشمیری جھنڈے لہرا کر کشمیری بھائیوں کے ساتھ اظہار یکجہتی کیا اور مقبوضہ جموں و کشمیر کی آزادی کے لئے خصوصی دعائیں مانگیں اور نعرے لگائے۔سربراہ لاہور پولیس ایڈیشنل آئی جی بلال صدیق کمیانہ کی ہدایت پر یوم یکجہتی کشمیر کے پروگراموں اور شرکا کی سکیورٹی کے لئے 02 ہزار سے زائد پولیس افسران اور اہلکار تعینات کئے گئے تھے۔یوم یکجہتی کشمیر کے موقع پر شہر بھر میں سکیورٹی اور ٹریفک کے مربوط اور موثر انتظامات دیکھنے میں آئے۔شہر بھر میں سکیورٹی ہائی الرٹ رہی۔ایس پیز،ڈی ایس پیز،ایس ایچ اوز سمیت لاہور پولیس کے دو ہزار سے زائد افسران اور جوان اہم مقامات، ریلیوں،سیمینارز اور دیگر متعلقہ پروگراموں کی سکیورٹی پرتعینات تھے۔حساس مقامات پر منعقدہ یکجہتی کشمیر ریلیوں اور اے کیٹگری پروگراموں پرپولیس کی اضافی نفری تعینات تھی۔شہریوں کا تحفظ اور امن کا قیام یقینی بنانے کے لئےصوبائی دارلحکومت کے داخلی و خارجی راستوں پر چیکنگ بڑھادی گئی تھی جبکہ مختلف علاقوں میں سرچ اینڈ سویپ آپریشنز بھی کئے گئے۔سربراہ لاہور پولیس بلال صدیق کمیانہ کی ہدایت پر سپروائزری افسران نے سکیورٹی انتظامات کا خودجائزہ لیا۔شرکاء کو تین درجاتی سکیورٹی حصار سے چیکنگ کے بعد ہی ریلیز میں داخلے کی اجازت تھی۔ڈولفن سکواڈ، پیرو،ایلیٹ فورس اور تھانوں کی ٹیموں نے شہر میں موثر پٹرولنگ کی۔بلند عمارات کی چھتوں پر سنائپرز تعینات تھے۔سی سی پی او لاہور نے یوم یکجہتی کشمیر کے موقع پر اپنے پیغام میں کہا کہ مقبوضہ کشمیر کے عوام گذشتہ کئی دہائیوں سے آزادی،حق خو ارادیت اور بقا کی جنگ لڑ رہے ہیں۔کشمیری عوام نے بھارتی غاصبانہ تسلط سے آزادی کے لئے اپنے لہو سے نئی تاریخ رقم کی ہے۔لاہور پولیس پوری قوم کے ہمراہ کشمیری بہن بھائیوں کی جدوجہد میں شانہ بشانہ ہے اور کشمیری عوام کی دلیرانہ جدجہد کو سلام پیش کرتی ہے۔
