الحمراء یوم استحصال کشمیر کے موقع پر واک،کشمیر کے عوام کی آزادی کے لئے انکی غیر متزلزل حمایت کا اعادہ کرنا ہے
الحمراء یوم استحصال کشمیر کے موقع پر واک،تصویر ی نمائش اور ملی نغموں کا پروگرام پیش کرئے گا۔ یوم استحصال کشمیر منانے کا مقصد کشمیر کے عوام کی آزادی کے لئے انکی غیر متزلزل حمایت کا اعادہ کرنا ہے۔
لاہور پاکستان(نمائندہ وائس آف جرمنی):حکومت پنجاب کی ہدایت پر لاہور آرٹس کونسل الحمراء یوم استحصال کشمیر کے موقع پر واک،تصویر ی نمائش اور ملی نغموں کا پروگرام پیش کرئے گا۔ ایگزیکٹوڈائریکٹر الحمراء محمد سلیم ساگر نے اس حوالے سے کہا کہ یوم استحصال کشمیر کے تمام تیاریاں مکمل کر لیں گئیں ہیں۔ یوم استحصال کشمیر منانے کا مقصد کشمیر کے عوام کی آزادی کے لئے انکی غیر متزلزل حمایت کا اعادہ کرنا ہے۔ یہ دن بھارت کی طرف سے جموں و کشمیر کے غیر قانونی الحاق کی یاد میں منایا جا رہاہے،یہ دن کشمیریوں کے ساتھ اظہار یکجہتی کا دن ہے جو کئی دہائیوں سے انسانی حقوق کی خلاف ورزیوں اور جبر کا شکار ہیں۔واک میں فنکار برادری سمیت الحمراء افسران وملازمین شرکت کریں گے۔تصویری نمائش میں آرٹسٹ کشمیریوں کے حق اداریت کے لئے آواز بلند کریں گے جبکہ ملی نغموں کے پروگرام میں بچے، بڑے سب مل کر کشمیری عوام کی قربانیوں کو سلام پیش کریں گے۔
