سید عاطف ندیم-ادارت
پاکستان کے صوبہ بلوچستان کے ضلع مستونگ میں وزیرِ داخلہ میر ضیاء اللہ لانگو کے قافلے کو حملے کا نشانہ بنایا گیا جس میں وزیرِ داخلہ محفوظ رہے تاہم ان کی حفاظت پر مامور چھ اہلکار زخمی ہوگئے۔
پولیس کے مطابق جمعے کی صبح میر ضیاء اللہ لانگو اپنے آبائی ضلع قلات سے کوئٹہ کی جانب جا رہے تھے کہ راستے میں مستونگ کے علاقے کھڈ کوچہ کنڈ عمرانی میں کوئٹہ- کراچی شاہراہ پر گھات لگائے نامعلوم شدت پسندوں نے قافلے پر اندھا دھند فائرنگ کر دی۔
فائرنگ کے تبادلے میں ان کی سکیورٹی پر مامور پولیس کے انٹی ٹیررسٹ فورس کے چھ اہلکار نصر اللہ، سمیع اللہ اور زکریا زخمی ہوئے جن میں سے ایک کی حالت نازک ہے۔
بلوچستان: مائننگ کمپنی کے سات ملازمین اغوا، بولان میں گیس پائپ لائن دھماکے سے تباہ
زخمی اہلکاروں کو ابتدائی طبی امداد کے لیے نواب غوث بخش ہسپتال مستونگ منتقل کیا گیا جہاں طبی امداد کے بعد مزید علاج کی غرض سے انہیں کوئٹہ روانہ کر دیا گیا۔
اردو نیوز نے ضیاء اللہ لانگو کے ٹیلی فون پر رابطہ کیا تو ان کے سٹاف نے حملے کی تصدیق کی اور بتایا کہ صوبائی وزیر بحفاظت کوئٹہ پہنچ گئے ہیں۔
ان کے مطابق ضیاء اللہ لانگو یوم آزادی کی تقریبات میں شرکت کرنے قلات گئے تھے۔
پولیس کے مطبق واقعے کی مزید تفتیش جاری ہے اور تاحال کسی گروہ نے حملے کی ذمہ داری قبول نہیں کی۔
اس علاقے میں کالعدم بی ایل اے سرگرم ہے۔ کھڈ کوچہ میں سکیورٹی فورسز پر پہلے بھی کئی حملے ہوچکے ہیں۔ گزشتہ مہینے فورسز پر حملے کے بعد کھڈکوچہ میں کرفیو نافذ کردیا گیا تھا۔
ادھر تربت کے علاقے فدا چوک پر سکیورٹی فورسز کی گاڑی پر بم حملہ کیا گیا جس کی زد میں آ کر پانچ 5 راہ گیر زخمی ہوگئے تاہم اہلکار محفوظ رہے۔
