الحمراء میں گلگت بلتستان کلچرل شو کا انعقاد

لاہور پاکستان(وائس آف جرمنی) پروگرام میں گلگت بلتستان کی تہذیب وثقافت کے دلکش اور منفرد رنگ پیش کئے گئے۔حاضرین کوالحمراء اور پاکیزہ آرٹس کونسل کے مشترکہ تعاون سے گلگت بلتستان کے ثقافتی رنگ دیکھنے کو ملے۔گلور، دیسی بینڈ سپیشل ٹیون کے ذریعے پروگرام کا آغا زہوا۔شینا، بلتی، کھوار،بروشکی اور وخی زبانوں میں لوک گیت پیش کئے گئے۔اُردو زبان میں عارفانہ کلام نے بھی پروگرام کی رونق کو دوبالا کیا۔ثقافتی رقص، ریمپ واک،شاعری اور دیگر پرفارمنس بھی پروگرام کا حصہ تھیں۔نامور گلوکاروں اقبال حسین اقبال، غلام نبی ہمراز کی پرفارمنس نے تقریب کو چار چاند لگا دیئے۔نامور آرٹسٹ امین شاہ، مبارک، خالد بلتی، ظہیر،نائب خان، صاحب جان، دیدار علی ود یگر نے بھی پروگرام میں پرفارم کیا۔