شہر بھر میں ایل ڈی اے اور ٹیپا کا پارکنگ قوانین کی خلاف ورزی پر گرینڈ آپریشن جاری ہے۔

پاکستان لاہور(نمائندہ وایس آف جرمنی):کمشنر لاہور و ڈی جی ایل ڈی اے محمد علی رندھاواکی ہدایت پر ٹیپا اور ٹاون پلاننگ ونگ ایل ڈی اے نے گزشتہ روز شادمان مین بلیوارڈ اور سوک سنٹر کے اطراف میں مشتر کہ آپریشن کرکے متعدد املاک سیل کر کے تجاوزات کو ہٹا دیا۔مشترکہ ٹیموں کے 3 گھنٹے جاری آپریشن میں شادمان مین بلیوارڈ اور سوک سنٹر کے اطراف کمرشل املاک سے تجاوزات ہٹا دیں۔آپریشن کے دوران شادمان میں پارکنگ کی جگہ پر تجاوزات بنانے پر دو درجن سے زائد املاک کو سیل کر دیاجبکہ8عارضی غیرقانونی دکانوں کو مسمارکر دیا۔ٹیپا اور ایل ڈی اے کے عملے نے شادمان مین بلیوارڈ کے اطراف قائم پیشتر دکانوں سے تجاوزات ہٹا دیں۔آپریشن کے دوران فاطمہ میموریل ہسپتال کے رائٹ آف وے سے رکاوٹیں ہٹا دیں۔سویراسٹور، بریک آؤٹ اور براڈ ووے پیزا کو سیٹ بیک ایریا میں تجاوزات قائم کرنے پر سیل کر دیا۔دو کمرشل پلازوں کوبیسمنٹ میں پارکنگ ایریا میں تجاوزات کرنے پر سیل کر دیا۔جلال سنز،کامران سٹیل کو سیٹ بیک ایریا میں تجاوزات کر نے پر سربمہر کر دیا۔ شادمان مین بلیوارڈ پر تین فارمیسیز کو سیٹ بیک ایریا میں تجاوزات بنانے پر سیل کر دیا۔ سوک سنٹر پر 8غیرقانونی عارضی دکانیں مسمار کر دیں۔آپریشن سے قبل ان املاک کو تصیحی اقدامات کے لیے متعدد نوٹسز جاری کیے گئے۔آپریشن میں ڈائریکٹر پارکنگ اینڈانفورسمنٹ ٹیپا، ڈائریکٹر شعبہ پرائیویٹ ہاوسنگ سکیم، ڈپٹی ڈائریکٹر پی ایچ ایس، ڈپٹی ڈائریکٹر ٹاون پلاننگ، انفورسمنٹ ونگ اور ٹیپا کے افسران نے شرکت کی۔آپریشن میں پولیس اور بھاری مشینری نے حصہ لیا۔کمشنر و ڈی جی محمد علی رندھاوا کی ہدایت پر شہر بھر میں ایل ڈی اے اور ٹیپا کا پارکنگ قوانین کی خلاف ورزی پر گرینڈ آپریشن جاری ہے۔