نسل پرست ہندو قوم یا اسلام فوبیا کا شکار یا پھر ہندو دہشت گردی بھارتی ریاست کرناٹک میں حلال گوشت پر پابندی کیلئے قانون سازی کی تیاریاں

نئی دہلی بھارت: (نمائندہ وائس آف جرمنی):‌ بھارت کی حکمران جماعت بھارتی جنتا پارٹی (بی جے پی ) کی جانب سے ریاست کرناٹک میں حلال گوشت کی خرید و فروخت پر پابندی کیلئے اسمبلی میں بل لانے کا فیصلہ کر لیا گیا۔
غیر ملکی خبر رساں ادارے کے مطابق کرناٹک میں رواں سال مارچ سے گوشت پر پابندی کے حوالے سے ایک مہم جاری ہے جس پر حکومت نے ایک بل لانے کا فیصلہ کیا ہے تاکہ حلال گوشت پر پابندی لگانے کے لیے قانون سازی کی جائے۔
حکمران جماعت کی جانب سے بل کو آئندہ دنوں ہونے والے اسمبلی اجلاس میں لانے کا فیصلہ کیا گیا ہے. رپورٹس کے مطابق انتہا پسندانہ نظریات کی حامل بی جے پی نے مسلم جماعتوں کے احتجاج کو نظر انداز کرتے ہوئے بل پیش کرنے پر ڈٹے رہنے کا عندیہ دیا ہے جس سے ایک بار پھر کرناٹک میں کشیدگی کا خدشہ پیدا ہوگیا ہے۔