کمشنرلاہور و ڈی جی ایل ڈی اے محمد علی رندھاوا کی زیر صدارت لاہور میں جاری ترقیاتی منصوبوں بارے اہم اجلاس

لاہور پاکستان(نمائندہ وائس آف جرمنی):‌کمشنرلاہور و ڈی جی ایل ڈی اے محمد علی رندھاوا کی زیر صدارت گزشتہ روز لاہور میں جاری ترقیاتی منصوبوں پراہم اجلاس منعقد ہوا۔اجلاس میں چیف انجینئر ایل ڈی اے اسرار سعید نے جاری منصوبوں کی پیش رفت بارے بریفنگ دی۔اجلاس کو بتایا گیا کہ شاہدرہ فلائی اوور پراجیکٹ کا تقریباً 90 فیصد کام مکمل کر لیا گیا ہے۔ اکبر چوک فلائی پر کام دن رات جاری، 83 فیصد کام مکمل، ٹرانسمز کی لانچنگ کا کام تیزی سے جاری ہے۔بیدیاں چوک انڈرپاس کا بھی 75 فیصد کام مکمل کر لیا گیا ہے۔خالد بٹ چوک پر فلائی اوور کی تعمیر کا کام بھی دن رات جاری ہے۔بند روڈ پر جاری تعمیراتی منصوبوں پر کام کا آغاز کر دیا گیا ہے۔شہر میں جاری تمام میگا پراجیکٹس پر چوبیس گھنٹے کام ہو رہا ہے۔کمشنرلاہور و ڈی جی ایل ڈی اے نے ہدایت کی کہ جناح ہسپتال تا پیکو روڈ پر بنائے گئے یو ٹرنز پر ٹریفک کی روانی کو مانیٹر کیا جائے۔ٹیپا، ٹریفک پولیس کے ساتھ مل کر یو ٹرنز پر ٹریفک روانی کے مسائل کو حل کرے۔ کمشنر لاہور و ڈی جی ایل ڈی اے محمد علی رندھاوا نے کہا کہ ترقیاتی منصوبوں پر تعمیراتی کاموں کی رفتار پر کوئی سمجھوتا نہیں، کام چوبیس گھنٹے جاری رکھا جائے۔ شاہدرہ فلائی اوور، اکبر چوک اور بیدیاں روڈ منصوبے تیزی سے تکمیل کی جانب گامزن ہیں، جلد مکمل کر لیے جائیں گے۔اجلاس میں ڈی سی لاہور رافعہ حیدر،ایڈیشنل کمشنر عبدالسلام عارف،سی او ایم سی ایل سید علی عباس بخاری،ڈائریکٹر ڈویلپمنٹ جاوید رشید چوہان،چیف انجینیر ایل ڈی اے اسرار سعید،چیف انجینئر ٹیپا اقرار حسین،ایم او انفرا میاں ثاقب،ڈائریکٹر ڈی جی ہیڈکوارٹر آصف حسین،ڈائریکٹر ایڈمن ایم سی ایل کلیم یوسف،ایم او فنانس ایم سی ایل حجاب فاطمہ، ایم سی ایل، نیسپاک، ایل ڈی اے اور ٹیپا کے افسران نے شرکت کی۔