پولیس اور سیف سٹیز کی مشترکہ کارروائی، دو رکنی ڈکیٹ گینگ گرفتار

لاہور پاکستان(نمائندہ وائس آف جرمنی): لاہور پولیس اور پنجاب سیف سٹیز اتھارٹی نے سنیچر گینگ کے خلاف مشترکہ آپریشنز کا سلسلہ جاری رکھتے ہوئے سیف سٹی ٹیم کی نشاندہی پر تھانہ ٹبی سٹی پولیس نے 2 رکنی گینگ کو گرفتار کرلیا۔تفصیلات کے مطابق پولیس آپریشن میں سیف سٹیز کیمروں کی مدد سے ملزمان کو ٹریس کیا گیا۔ملزمان کے قبضے سے چوری شدہ موٹرسائیکل،ڈیجیٹل کیمرہ،پستول اور نقدی برآمد بھی کرلی گئی۔ملزمان کو گرفتار کرتے ہوئے ضابطے کے مطابق مقدمہ درج کر لیا گیا۔اے ایس پی سدرہ خان کا کہنا تھاکہ ابتدائی تفتیش کے دوران ملزمان کا لاہور کے مختلف علاقوں میں متعدد وارداتیں کرنے انکشاف کیا ہے۔ملزمان راہ چلتے لوگوں سے موبائل،نقدی اور موٹرسائیکل چھینتے اور فرار ہو جاتے تھے۔جرائم کی سرکوبی کیلئے سیف سٹی کیمروں کی مدد سے ٹارگٹڈ آپریشنز جاری ہیں۔شہری اپنے اردگرد کسی بھی مشکوک شخص یا سرگرمی کی اطلاع 15 پر دیں