اینٹی کرپشن پنجاب نے ایل ڈی اے سے بزدار دور حکومت کا کمرشل تعمیرات اور نجی ہاؤسنگ سو سائٹیوں کا ریکارڈ حاصل کر لیا۔ترجمان محکمہ اینٹی کرپشن پنجاب

لاہور پاکستان(نمائندہ وائس آف جرمنی):‌محکمہ اینٹی کرپشن پنجاب نے سابق دور حکومت میں منظور ہونے والی کمرشل تعمیرات اور نجی ہاوسنگ سکیموں کا ریکارڈ ایل ڈی اے سے حاصل کرلیا۔ محکمہ اینٹی کرپشن لاہور ریجن نے لاہور ڈویلپمنٹ اتھارٹی سے کمرشل تعمیرات،نجی ہاوسنگ سکیموں کی منظوری کا ریکارڈ حاصل کرلیا۔ محکمہ اینٹی کرپشن نے ایل ڈی اے سے 20ستمبر 2018 سے 13جنوری 2023 تک منظور ہونے والی تمام ہاوسنگ سکیموں اور کمرشل عمارتوں کا ریکارڈ طلب کیا تھا۔اینٹی کرپشن نے کمرشل عمارتوں اور پرائیویٹ ہاوسنگ سکیموں کی منظوری،نقشہ جات اور جمع ہونے والی فیسوں کا مکمل ریکارڈمانگا تھا۔ایل ڈی اے نے اینٹی کرپشن کو جزوی طور پر ریکارڈ فراہم کردیاجبکہ مکمل ریکارڈ کی فراہمی کیلئے ایک دن کی مہلت مانگ لی.