سربراہ لاہور پولیس بلال صدیق کمیانہ نے انوسٹی گیشن ونگ کی مجموعی کارکردگی غیر تسلی بخش قرار دی

لاہور پاکستان(نمائندہ وائس آف جرمنی):‌سربراہ لاہور پولیس ایڈیشنل آئی بلال صدیق کمیانہ کی زیرصدارت انوسٹی گیشن افسران کا اہم اجلاس آج کیپٹل سٹی پولیس ہیڈکوارٹرز میں منعقد ہوا۔ڈی آئی جی انوسٹی گیشن سہیل سکھیرا،ایس ایس پی انوسٹی گیشن انوش مسعود چوہدری،ایس ایس پی ایڈمن عاطف نذیر سمیت انوسٹی گیشن ونگ کے تمام ڈویژنل ایس پیز اور متعلقہ پولیس افسران نے اجلاس میں شرکت کی۔سی سی پی او لاہور بلال صدیق کمیانہ نے قتل،اقدام قتل اور بلائنڈ مرڈر سمیت سنگین وارداتوں کے زیر تفتیش مقدمات میں پیش رفت کا تفصیلی جائزہ لیا۔بلال صدیق کمیانہ نے قتل، اقدام قتل،بلائنڈ مرڈر کے مقدمات کی ڈسپوزل میں غیر ضروری تاخیر پر برہمی کا اظہار کیا اور ڈی آئی جی سہیل سکھیرا اور ایس ایس پی انوسٹی گیشن انوش مسعود چوہدری کو زیر تفتیش کیسز کی بروقت تکمیل یقینی بنانے کے لئے روزانہ کی بنیاد پر انوسٹی گیشن افسران کی کارکردگی کا جائزہ لینے کی ہدایت کی۔سی سی پی او لاہور نے کہا کہ ایس پیز انوسٹی گیشن قتل اور بلائنڈ مرڈر کے مقدمات میں فرانزک رپورٹس کی جلد وصولی ممکن بنانے کے لئے خود اقدامات کریں۔سربراہ لاہور پولیس بلال صدیق کمیانہ نے انوسٹی گیشن ونگ کی مجموعی کارکردگی غیر تسلی بخش قرار دی۔بلال صدیق کمیانہ نے خاموش ملزمان اور روڈ سرٹیفکیٹس کی پینڈینسی بھی فوری طور پر کلیئر کرنے کا حکم دیا۔انہوں نے کہا کہ سینئر انوسٹی گیشن افسران تکمیل چالان اور کیسز یکسو کرنے کے لیے پراسیکیوٹرز سےکوارڈینیشن کریں جبکہ تفتیشی عمل میں نقائص دور کرنے کیلئے پراسیکیوشن افسران کی تکنیکی معاونت لیں۔بلال صدیق کمیانہ نے مزید کہا کہ ایس پیز اپنے متعلقہ انوسٹی گیشن افسران کی کارکردگی اور سائلین سے ان کے طرز عمل پر کڑی نظر رکھیں۔سربراہ لاہور پولیس نے خبردار کیا کہ ناقص تفتیش،تاخیری حربوں اور رشوت ستانی کی شکایات پر سخت کارروائی عمل میں لائی جائے گی۔بلال صدیق کمیانہ نے قتل سمیت سنگین وارداتوں میں فوری کرائم سین پر پہنچ کر شواہد اکٹھے کرنے جبکہ فنگر پرنٹ، ڈیٹا اینالائسز اور جدید ٹیکنالوجی کے استعمال سے تفتیش کے معیار میں بہتری لانے کی ہدایت کی۔سی سی پی او لاہور نے کہا کہ انوسٹی گیشن افسران دوران تفتیش شہریوں کے ساتھ خوش اخلاقی اور عزت و احترام سے پیش آئیں۔