سماج دشمن وقانون شکن عناصر کے خلاف بھرپور کارروائیاں جاری رکھی جائیں۔ ڈی آئی جی آپریشنز سید علی ناصر رضوی

لاہور پاکستان(نمائندہ وائس آف جرمنی): ڈی آئی جی آپریشنز لاہورسید علی ناصر رضوی نے کہا ہے کہ قانون کی عملداری اور بالادستی کوہر صورت یقینی بنایا جائے۔ ایس ایچ اوزون فائیو کالز پر خود جائے وقوعہ پر پہنچیں۔خود احتسابی کا عمل جاری ہے،الرٹ ہوکر فرائض انجام دیں۔ جھوٹی ایف آئی آر کے اندراج پر سخت ایکشن ہوگا۔ان خیالات کا اظہار انہوں نے ویڈیو لنک اجلاس کے دوران افسران سے خطاب کے دوران کیا۔ تمام تھانوں کے ایس ایچ اوز نے اجلاس میں آن لائن شرکت کی۔ ڈی آئی جی آپریشنز نے ون فائیو کالز پر رسپانس ٹائم مزید بہتر بنانے کی ہدایت کی۔ سید علی ناصر رضوی نے کہا کہ کمپلینٹ مینجمنٹ سسٹم پر پینڈینسی ہرگز برداشت نہیں۔مقدمہ کے اندراج میں تاخیر ی حربے استعمال نہ کئے جائیں۔ انہوں نے کہا کہ اشتہاری وعادی مجرمان کی گرفتاری مہم تیز کریں۔ اسلحہ کی نمائش،ہوائی فائرنگ میں ملوث افراد کے خلاف بلا امتیاز کارروائی عمل میں لائی جائے۔ قانون شکن وسماج دشمن عناصر کے خلاف بھرپور کارروائیاں جاری رکھی جائیں۔ڈی آئی جی آپریشنزنے کہا کہ ایس ایچ اوز اپنے علاقوں میں ایلیٹ،ڈولفن،پی آریو کی کارکردگی کا جوابدہ ہوگا۔ ہاٹ سپاٹس کی نشاندہی کر کے پٹرولنگ کے نظام کو مزید بہتر بنایاجائے۔سید علی ناصر رضوی نے کہا کہ چھٹی کے روز بھی امن و امان کے قیام کو یقینی بنایا جائے۔تھانوں میں کارخاص کسی صورت برداشت نہیں۔ کرپشن پر زیروٹالرنس کی پالیسی ہے، ذمہ داران کیلئے خلا ف سخت کارروائی ہوگی۔ تھانوں کی صفائی ستھرائی اور SIPS کے تحت فراہم کردہ سہولیات کی دستیابی کو یقینی بنایا جائے۔ انہوں نے مزید کہا کہ خدا کو راضی کرنے کا بہترین ذریعہ اللہ کے بندوں کیلئے آسانیاں پیدا کرنا ہے۔خدمت خلق کے جذبے سے سرشار ہوکر شہریوں کی مدد کریں۔