مشرق وسطیٰ
سیف سٹی نے لڑکی کو ہراساں کرنے والا کار ڈرائیور پکڑوا دیا
رائیونڈ کے علاقے سے پریشان لڑکی نے 15 ایمرجنسی پر کال کی سیف سٹی کیمروں سے ملزم کی گاڑی کو ٹریس کیا اور گرفتاری عمل میں لائی گئی۔ترجمان سیف سٹیز
لاہور پاکستان(نمائندہ وائس آف جرمنی): سیف سٹی نے لڑکی کو ہراساں کرنے والا کار ڈرائیور پکڑوا دیا۔تفصیلات کے مطابق نجی ٹیکسی کمپنی کے ڈرائیور نے یونیورسٹی جاتی لڑکی کو ہراساں کرنے کی کوشش کی۔رائیونڈ کے علاقے سے پریشان لڑکی نے 15 ایمرجنسی پر کال کی۔سیف سٹی ٹیم نے لڑکی کو دلاسہ دیا اور فورا پولیس کو ریسکیو کیلئے بھجوایا۔نواب ٹاون پولیس نے فورا موقع ہر پہنچ کر لڑکی کو ریسکیو کیا۔سیف سٹی کیمروں سے ملزم کی گاڑی کو ٹریس کیا اور گرفتاری عمل میں لائی گئی۔ ترجمان سیف سٹیز اتھارٹی کا کہنا تھاکہ خواتین اپنے تحفظ کو یقینی بنانے کیلئے موبائل میں ”ویمن سیفٹی ایپ“ انسٹال کریں۔خواتین ویمن سیفٹی ایپ لائیو چیٹ اور 15 ایمرجنسی فیچر سے فوری مدد حاصل کرسکتی ہیں۔اب تک 3 لاکھ سے زائد خواتین پنجاب پولیس ویمن سیفٹی ایپ انسٹال کر چکی ہیں۔
