گوالمنڈی کے علاقے میں ملزم کا لیسکو کی ریکوری ٹیم پر حملہ، شدید تشدد کا نشانہ بنایا

ترجمان لاہور الیکٹرک سپلائی کمپنی کی جانب سے جاری ہونیوالے بیان کے مطابق لیسکو کی ریکوری ٹیم گوالمنڈی سب ڈویژن کے علاقے چیمبر لین روڈ پر ڈیڈ ڈیفالٹرز کے خلاف کارروائی کر رہے تھی کہ اس دوران ملزم نے آہنی راڈ سے لیسکو ٹیم پر حملہ کردیا ، ملزم کی جانب سے لیسکو ٹیم کو شدید تشدد کا نشانہ بنایا گیا جس کے بعد پولیس کی مدد سے ملزم کو گرفتار کرلیا گیا ، ملزم کے خلاف متعلقہ تھانہ میں مقدمہ درج کرلیا گیا ہے جبکہ لیسکو حکام کی جانب سے ملزم کا کنکشن بھی منقطع کردیا گیا ہے۔ چیف ایگزیکٹو لیسکو انجینئر شاہد حیدر کا کہنا ہے کہ فرائض کی انجام دہی میں مصروف لیسکو اہلکاروں سے ناروا سلوک کسی صورت برداشت نہیں کیا جائے گا، اہلکاروں پر تشدد کرنیوالے ملزمان کو قانون کے مطابق سخت سے سخت سزا دے کر نشان عبرت بنائیں گے۔