شہریوں کو مقامی سطح تک بارشوں اور سیلاب کے خطرے سے متعلق آگاہی دیں،واجہ سلمان رفیق

لاہور پاکستان(نمائندہ وائس آف جرمنی):صوبائی وزیر صحت و چیئرمین کابینہ کمیٹی برائے ڈیزاسٹر مینجمنٹ خواجہ سلمان رفیق کی زیر صدارت پی ڈی ایم اے ہیڈ آفس میں کابینہ کمیٹی کا اجلاس منعقد ہوا جس میں ایڈیشنل چیف سیکریٹری پنجاب احمد رضا سرور، ایس ایم بی آر و ریلیف کمشنر پنجاب نبیل جاوید، کمشنرز بہاولپور لاہور، گجرانوالہ، ڈپٹی کمشنرز بہاولنگر قصور اور حافظ آباد نے بھی ویڈیو لنک کے ذریعے شرکت کی۔ اجلاس کے دوران دریائی کٹاؤ کی روک تھام کیلئے سکیموں سے متعلق لائحہ عمل کا جائزہ بھی لیا گیا ہے۔ اجلاس میں 6 نکاتی ایجنڈے پر تبادلہ خیال کیا گیا۔ ڈی جی پی ڈی ایم عرفان علی کاٹھیا نے اجلاس کو ایجنڈاز بارے بریفنگ دی۔ اجلاس کے دوران قصور میں والے والا حفاظتی بند کی تعمیر و مرمت کی منظوری دے دی گئی۔ اجلاس کے دوران حافظ آباد بھون فاضل میں دریائے چناب کے کٹاؤ کی روک تھام کیلئے بھی سکیم کی منظوری دے دی گئی ہے۔ پی ڈی ایم اے نے راجن پور اور ڈی جی خان رودکوہیوں میں سیلابی ریلوں کے خطرے سے نمٹنے کیلئے اہم اقدام اٹھایا ہے۔ اجلاس کے دوران راجن پور اور ڈی جی خان کے رودکوہیوں میں ارلی وارننگ سسٹم کیلئے 7 ملین گرانٹ کی منظوری دے دی گئی ہے۔ رودکوہیوں کے بند اور پشتوں کی مضبوطی اور تعمیر و مرمت کیلئے 11 ملین گرانٹ کی منظوری دے دی گئی ہے۔ پی ڈی ایم اے پنجاب و کمشنر ڈیرہ غازی خان کی زیر نگرانی پروجیکٹس کی تکمیل کو یقینی بنایا جائے گا۔ اربن و فلیش فلڈنگ کی روک تھام کیلئے پی ڈی ایم اے پلان کی منظوری دے دی گئی ہے۔ اجلاس میں مون سون بارشوں اور دریائے چناب میں ممکنہ سیلابی خدشے کے پیش نظر انتظامات کا بھی جائزہ لیا گیا۔ سیلابی خطرے کے پیش نظر پی ڈی ایم اے کے انتظامات مکمل ہیں۔ کابینہ کمیٹی نے مون سون بارشوں اور ممکنہ سیلاب کے پیش نظر پی ڈی ایم اے پنجاب کے اقدامات پر اجلاس کا اظہار اطمینان کیا۔ صوبائی وزیر صحت و چیئرمین کابینہ کمیٹی برائے ڈیزاسٹر مینجمنٹ خواجہ سلمان رفیق نے کہا ہے کہ شہریوں کو مقامی سطح تک بارشوں اور سیلاب کے خطرے سے متعلق آگاہی دیں۔ ضلعی انتظامیہ اور ریونیو افسران مساجد اور دیگر ذرائع سے شہریوں کو معلومات فراہم کریں۔ حکومت پنجاب نے کسی بھی ہنگامی صورتحال سے نمٹنے کیلئے تمام تر انتظامات مکمل کر لئے ہیں۔ آبپاشی، لوکل گورنمنٹ، ہاوسنگ اینڈ اربن ڈویلیپمنٹ، لائیو سٹاک، محکمہ ایمرجنسی سروسز اور سپشل برانچ کے افسران نے بھی اجلاس میں شرکت کی۔