پنجاب بھرمیں 1336ٹریفک حادثات میں 11افراد جاں بحق1411زخمی ہوئے

لاہور(نمائندہ خصوصی): ایمرجنسی سروسزڈیپارٹمنٹ نے گذ شتہ 24گھنٹوں کے دوران پنجاب بھر میں 1336ٹریفک حادثات پر ریسپانڈ کیا جن میں 614افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا۔797معمولی زخمی لوگوں کو ریسکیومیڈیکل ٹیموں کے جائے حادثہ پر بروقت طبی امداد فراہم کرنے کی وجہ سے ہسپتالوں پر بوجھ بھی کم ہوا۔
ان حادثات میں زیادہ تر تعداد (75فیصد)موٹر سائیکلز حادثات کی ہے اس لیے وقت کی ضرورت ہے کہ روڈ ٹریفک حادثات کی بڑھتی ہوئی شرح کو کم کرنے کے لیے ٹریفک قوانین پر سختی سے عمل کرتے ہوئے لائن اور لین کے نظم و ضبط کا خیال رکھیں۔
ایمرجنسی ا عداد و شمار کے مطابق ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں 778ڈرائیوز،71کم عمرڈرائیور، 465مسافراور179پیدل چلنے والے افراد متاثر ہوئے۔اعدادو شمار سے ظاہر ہوتا ہے کہ280ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی درالحکومت288متاثرین کے ساتھ پہلے فیصل آباد98حادثات میں 101متاثرین کے ساتھ دوسر ے، گوجرانوالہ70حادثات میں 66متاثرین کے سا تھ تیسرے نمبرپررہا۔
واضح رہے کہ ان ٹریفک حادثات کے کل1422متاثرین میں 1165مرد اور257خواتین شامل ہیں جبکہ زخمی ہونیوالوں میں 304افراد کی اوسط عمر18سال سے کم698افراد کی اوسط عمر 18سے 40سال کے درمیان جبکہ420زخمی افراد کی اوسط عمر 40سال سے زائد ہے۔ان ٹریفک حادثات کے بیشتر واقعات میں 1215موٹرسائیکلز،69آٹورکشے،131کاریں،29وین09مسافر بسیں،17ٹرک اور106دوسری اقسام کی گاڑیاں شامل ہیں۔