اسرائیلی ذرائع کے مطابق فوج نے آج غزہ میں 20 ٹھکانوں کو نشانہ بنایا۔ یہ بات اسرائیلی ریڈیو نے بتائی۔

العربیہ کی رپورٹر نے تصدیق کی ہے کہ اسرائیلی فوج نے غزہ کی پٹی کے جنوبی شہر رفح کے وسط میں ایک رہائشی مربع کو دھماکے سے اڑا دیا۔ اسرائیلی فوج نے غزہ کے مشرق میں کئی علاقوں کو خالی کرنے کے حوالے دوبارہ انتباہ جاری کیا ہے۔

غزہ کا منظر

منگل کے روز 416 ہلاکتوں میں 170 بچے

اسرائیل نے منگل کے روز غزہ کی پٹی پر 200 سے زیادہ حملے کیے۔ ان کے نتیجے میں 416 افراد جاں بحق ہو گئے۔ مرنے والوں میں اکثریت خواتین اور بچوں کی ہے۔
اقوام متحدہ کے دفتر برائے انسانی امور کے اعلان کے مطابق منگل کے روز ہونے والی ہلاکتوں میں 170 سے زیادہ بچے اور 80 خواتین شامل ہیں۔

غزہ کا منظر

اقوام متحدہ کے مذکورہ بیورو کے مطابق علاقے میں صرف 4 فیلڈ ہسپتال پوری طرح کام کر رہے ہیں۔ ان کے علاوہ 22 ہسپتال اور 6 فیلڈ ہسپتال جزوری طور پر کام کر رہے ہیں اور 13 ہسپتال اور 4 فیلڈ ہسپتال نقصان پہنچنے اور عملے اور ادویات کی قلت کے سبب بالکل کام نہیں کر رہے۔